पुस ३, काठमाडौँ, एजेन्सी | अमेरिकाका धेरै व्यक्तिहरूमा यौन चाहाना घट्दै गएको एक अध्ययनले देखाएको छ। रिपोर्टका अनुसार यहाँ मानिसहरूमा यौन चाहाना हराउँदै गएको छ। लगभग ३० प्रतिशत व्यक्तिहरूले सर्भेका क्रममा कम्तीमा पनि एक वर्षदेखि यौन सम्बन्ध नराखेको बताए। अनुसन्धानकर्ताका क्रममा नेशनल सर्भे अफ फेमिली ग्रोथको सन् २०११ र २०१९ को डाटाहरू तुलना गर्दा अमेरिकी युवाहरूमा यौन चाहाना कमी हुँदै गएको पाइएको हो।

डाटाका अनुसार अमेरिकी युवाहरूले कम मात्रा यौन सम्बन्ध गरिरहेका खुलेको छ। आफ्नो पार्टनर हुँदाहुँदै पनि शारीरिक सम्बन्धप्रति इच्छा नदेखाएको पत्ता लागेको छ। सर्भेमा सहभागी केही महिलाहरूले केही वर्षसम्म नै यौन सम्बन्ध नराखेको खुलेको छ। रिपोर्टका अनुसार पार्टनरसँग बस्ने वा विवाहित मानिसहरूभन्दा एक्लै रहनेहरूको संख्या धेरै पाइएको छ। सर्भेका अनुसार ५ प्रतिशत विवाहितहरूमध्ये कतिले एक वर्षसम्म पनि यौन सम्बन्ध नराखेको खुलेको छ।

किन यस्तो हुन्छ ?

अमेरिकी समाज शास्त्री तथा मनोवैज्ञानिकहरूले युवाहरूमा यौन चाहानामा कमी आउनुको कारण पत्ता लगाउन निरन्तर अनुसन्धान गरिरहेका छन् । स्कट साउथ र लेई लेईले आफ्नो अनुसन्धानबाट केही तथ्यहरू पत्ता लगाएका छन्। उनीहरूका अनुसार लामो समयसम्म सम्बन्धमा नरहनु, विवाह र सामाजिक रीतिरिवाज, सामाजिक सञ्जालको अत्यधिक प्रयोग, अत्यधिक मदिरा सेवन, भिडियो गेमको लत, पोनोग्राफी जस्ता कुराले यौन जीवन बर्बाद बनाउँछ। विशेषज्ञका अनुसार कोरोनाका कारण आइसोलेसनमा बस्नुपर्ने भएकाले पनि विनायौन सम्बन्ध रहने बानी परेको हो।