रविविरुद्ध छानबिन समितिको माग गर्दै कांग्रेसले गर्‍यो राष्ट्रियसभाको बैठक पनि अवरोध

जेठ १, काठमाडौँ । प्रमुख प्रतिपक्ष दल नेपाली कांग्रेसले राष्ट्रियसभाको बैठक पनि अवरोध गरेको छ।

सरकारको नीति तथा कार्यक्रम आज राष्ट्रपति रामचन्द्र पौडेलले संयुक्त सदनमा पेस गरेपछि धन्यवाद दिनको लागि बसेको बैठक पनि अवरोध गरेको हो।

सहकारी ठगी प्रकरणमा जोडिएका उपप्रधान तथा गृहमन्त्री रवि लामिछानेमाथि छानबिन गर्नको लागि संसदीय छानबिन समिति गठन गर्न माग गर्दै सदन अवरोध गरेको हो। यो जानकारी कांग्रेस नेता कृष्णप्रसाद सिटौलाले यसअघि नै अध्यक्ष नारायण दाहाललाई भेटेर जानकारी गराएका थिए।

कांग्रेसको अवरोधपछि जेठ ३ गते दिउँसो १ बजेर १५ मिनेटमा बस्ने गरी अध्यक्ष दाहालले बैठक स्थगित गरे।