फागुन २१, काठमाडौँ | चर्चित लोक गायिका भूमिका गिरी विवाह बन्धनमा बाँधिने भएकी छन् । उनले सल्यानका हिजन विष्टसँग लगनगाँठो कस्न लागेकी हुन् ।

भूमिका र हिजनले केही समयको प्रेमलाई पारिवारिक सहमतिमा विवाहमा परिणत गर्न लागेका हुन् । दुवैको  विवाह समारोह सोमबार सल्यानमा आयोजना हुँदैछ ।  विवाहमा दुबै तर्फका सीमित आफन्त र साथीभाइ सहभागी हुनेछन् ।

गायिका गिरीले ब्याचलर पार्टी शनिबार होटल सम्पदा गार्डेन लाजिम्पाटमा दिएकी थिइन् । जसको तस्बिर समेत उनले सामाजिक सञ्जाल मार्फत शेयर गरेकी छन् । पार्टीमा मेकआर्टिस सरिजा प्रजापति, मोडल नारायणी खत्री, मोडल नानु गुरुङ, बिनी, श्रेया गुरुङ लगायतको सहभागिता थियो ।

 पार्टीको तस्बिर सार्वजनिक गरेपछि भने उनलाई सामाजिक सञ्जालबाट बधाई तथा शुभकामना मिलिरहेको छ ।