भदौ २८, काठमाडौँ | दीपक-दीपाको आइएनआई सिनेमा हल शुक्रबारबाट सञ्चालनमा आउने भएको छ।

कलाकार दीपकराज गिरीले फेसबुक पोस्टमार्फत् उक्त जानकारी गराएका हुन्। बानेश्वरबाट शंखमुल जाने बाटोमा स्थापना भएको हलमा शुक्रबार नेपाली फिल्म ‘एक भागवत र एक गीता’ र ‘नांगो गाउँ’ प्रदर्शन हुनेछन्। 

त्यसैगरी हिन्दी फिल्म ‘जवान’ र हलिउड फिल्म ‘द नुन टु’ पनि प्रदर्शनमा आउनेछन्। दीपकराजे लेखेका छन्, ‘तपाईंहरूले घेरै माया गर्नु भएकोले हामी भूँइ मान्छेहरू अन्तत : सिनेमा हलसम्म आइपुगेका छौं।’

अभिनेत्री तथा निर्देशक दीपाश्री निरौलाले सपना पूरा भएको बताइन्। ‘निकै समयदेखिको हाम्रो सपना पूरा भएको छ। सबै दर्शक तथा शुभचिन्तकलाई धन्यवाद,’ दीपाले भनेकी छन्।