योगेन्द्र योगी | असार ५, दोहा | कतारबाट पहिलो उडान जुन २० शनिबार नेपाल एअरलाइन्सले उडान भर्ने भएको छ । अर्को उडान जुन २२ र २४ मा हिमालय एअरलाइन्सले गर्ने कतारस्थित नेपाली दूतावासका द्वितीय सचिब प्रबीण भट्टराईले जानकारी दिएका छन् ।
सचिब भट्टराईले दिएको जानकारी अनुसार कतारबाट नेपाल एअरलाइन्सको पहिलो उडानमार्फत १७४ जना फर्कने छन् । यो सूची कतारको सम्बन्धित निकायलबाट पारित गरिसकेको छ ।
यस्तै हिमालय एअरलाइन्समार्फत जुन २२ मा हुने उडानमार्फत स्वदेश फर्कने १७४ जनाको नेपालीको पनि सूची तयार गरिएको उनले बताए ।
अर्को जुन २४ मा हिमालयबाट स्वदेश फर्काउन १७३ जनाको सम्भावित सूची पनि दूतावासले सार्वजनिक गरेको छ । नेपाल एअरलाइन्सले कतारबाट अर्को उडान पनि भर्ने जनाए पनि मिति भई नसकेको दूतावासले जनाएको छ ।
यता,कतारबाट स्वदेश फर्किने नेपालीहरुको कोरोना जाँच नहुने भएको छ । कतार सरकारले निजी स्वास्थ्य संस्थालाई कोरोना परीक्षण गर्ने अनुमति नदिएकाले यहाँबाट स्वदेश फर्कने नेपालीको सामान्य ज्वरो मात्र जाँच गरेर स्वदेश पठाउने तयारी भएको उनले बताए ।
नेपाल सरकारले तोकेअनुसारको स्वदेश फर्कने नेपालीको साथमा कोरोना जाँचको प्रमाणपत्र साथमा राखेर फर्कन सम्भव नभएको समेत दूतावासले स्पष्ट पारेको छ ।
यहाँबाट फर्कने नेपालीको विमानस्थलमा सामान्य ज्वरो मात्र मापन गरिने छ भने साथै "एह्तराज मोबाइल एप’ मा हरियो रंग भएका व्यक्तिले मात्र विमानस्थलमा प्रवेश गर्न पाउने दूतावासले जनाएको छ ।
यस बिषयमा तपाइको प्रतिक्रिया...!