रियादबाट असार ७ मा उडान हुँदै, कोरोना जाँच र टिकटको लागि कहाँ सम्पर्क गर्ने ?

योगेन्द्र योगी | असार ४, दोहा | रोना भाइरसका कारण साउदीमा अलपत्र परेका नेपालीहरुलाई नेपाल एअरलाइन्सको जहाज मार्फद आउँदो आइतबार अर्थात जुन २१ गते साउदीको रियादबाट चार्टर्ड उडान भर्ने साउदीस्थित नेपाली दूतावासले जनाएको छ ।

दूतावासका अनुसार यो उडानमार्फत स्वदेश फर्कने प्राथमिकतामा ४४५ जना नेपाली रहेको जनाएको छ । प्राथमिकतामा परेका नेपालीको सूची दूतावासले नेपाल एअरलाइन्सको प्रतिनिधिलाई दिइसकेको दूतावासले जनाएको छ । 

जहाजको टिकट काटेपछि मात्र कोरोना जाँच गराउन प्राथमिकतामा परेका नेपालीलाई दूतावासले अनुरोध गरेको छ । रियादमा आफूलाई पायक पर्ने ठाउँमा गएर पनि कोरोनाको जाँच गर्न सकिने दूतावासले जनाएको छ ।

नजिकको स्थानबाट कोरोना जाँच गराउन समस्या भएमा कृष्ण भूषाललाई ०५९८२५६७१८ मा सम्पर्क गर्न दूतावासले भनेको छ ।

रियादबाट काठमाण्डौ लागि भाडा ४६५ अमेरिकी डलर अर्थात १७४४ साउदी रियाल तोकिएको तथा नेपाली ५६ हजार ५ सय हुने जनाएको छ ।

कम्पनीले टिकट नकाटिदिएमा आफ्नै खर्चमा काट्नु पर्छ । टिकट काट्न नेपाल एअरलाइन्सको आधिकारिक गिफ्ट ट्राभल एण्ड टुर का सुरेशराज त्रिपाठीलाई ००९६६५८०५९६१४० मा सम्पर्क गर्न दूतावास अनुरोध गरेको छ ।