जेठ २८, काठमाडौं । बहराइनमा रोजगारी खोजिहेकाहरूका लागि त्यहाँको श्रम बजार नियामक अख्तियारले आफ्नो वेभसाइटमा पूर्ण विवरण पेस गर्न आग्रह गरेको छ ।
बहराइनस्थित नेपाली दूतावासका अनुसार बहराइनको जारी वेभसाइटमा आफ्नो श्रमसम्बन्धी दक्षता र क्षमता खुल्ने व्यक्तिगत विविरण पठाउनेले रोजगारी पाउनेछन् ।
रोजगारी गर्न चाहनेले वेभसाइटमा विवरण उपलब्ध गराएको आधारमा रोजगारदाताहरूले आवश्यक जनशक्तिसँग सम्पर्क गर्न सक्नेछन् । यसै बिषयमा दुतावासले नेपालीहरुलाई ध्यानाकर्षण गराउदै कामको खोजीमा रहेका नेपाली कामदारले पनि आफ्नो व्यक्तिगत विवरण उपलब्ध गराउन अनुरोध गरेको छ ।
काम खोज्ने वेबसाइट: https://www.talentportal.bh/
वेबसाइटमा गई साइन अप गरेर आफ्नो विवरण भर्न सकिन्छ । वेबसाइटमा विवरण भर्दा तपाईंसँग के अनुभव छ ? यदि राम्रो अनुभव छ भने राम्रो तलब सुबिधा पाउने रोजगार पाउन सकिन्छ । वेबसाइटमा तपाइले आफ्नो बायोडाटा अपलोड गर्न सक्नुहुन्छ । यसले बहराइनमा बेरोजगार बनेका केहि नेपालीहरुलाई सहज हुने आशा गरिएको छ ।
यस बिषयमा तपाइको प्रतिक्रिया...!