दलसिंह गिरी/माघ ७, कालिकोट । कनैपनि संघ संगठन तथा निकायमा निरन्तर  लगनशिलता, सहनशिलता र आफ्नो बौद्धिकता देखाएर काम गर्न सक्ने हो भने कुनै क्षेत्र भूगोलका नाममा कुनैपनि ब्यक्ति पछि पर्नु पर्दो रहेनछ भन्ने उदाहरण कर्नालीका द्धोय यूवा अभियान्ताले देखाउनु भएको छ । 

विगत नेपालमा बाहिसे चौविसे राज्यको एकिकरण पश्चात कर्नाली क्षेत्रका जनतालाई अन्य क्षेत्रका अगुवा तथा निकायहरुले तल्लो दर्जाको जनताको रुपमा हेर्ने दृष्टिकोणलाई चिर्दै कर्नालीका जुजारु यूवा नेता राष्टिय प्रजातन्त्र पार्टीका केन्द्रीय सदस्य द्धोय धन बहादुर नेपाल संघियराज्यको प्रदेश नं. ६ का संयोजकको रुपमा चयन हुनु भएको छ । कालिकोट जिल्ला रकु गाविस निवासी धन बहादुर बुढा र जुम्ला जिल्ला निवासी धनबहादुर थापा प्रदेश नं. ६ को संयुक्त संयोजकको रुपमा चयन हुनु भएको हो । 

२०४२ साल देखि राप्रविसंघबाट विद्यार्थी राजनीति सुरु गर्नु भएका कालिकोटका बुढा  राप्रविसंघको जिल्ला अध्यक्ष केन्द्रिय अध्यक्ष हुदै पार्टीको केन्द्रीय सदस्य भै प्रदेश नं. ६ को पार्टी संयोजकमा चयन हुनु भएको छ भने जुम्ला निवासी थापा तत्कालिन शाही कालका बेला जुम्ला जिल्लाको सभापति भै पार्टीको केन्द्रिय सदस्यमा सामेल हुनु भएको थियो । 

राष्ट्रिय प्रजातन्त्र पार्टी केन्द्रीय कार्यालयले हिजो ६ गते गरेको निर्णय अनुसार पार्टीका केन्द्रीय सदस्य द्धोय बुढा र थापालाई प्रदेश नं. ६ को संयोजकको रुपमा मनोनय गरिएको पार्टीको केन्द्रीय कार्यालयले जनाएको छ ।

राष्ट्रिय प्रजातन्त्र पार्टीको अन्तरिम विधान तथा पार्टीको एकिकरण नीति र साधारणसभामा भएको ब्यवस्था अनुसार नेपालको संघियराज्यको प्रदेश नं. ६ को संयोजकको लागि केन्द्रीय सदस्य द्धोय बुढा र थापालाई संयुक्तरुपमा जिम्मेवारी तोकि केन्द्रीय अध्यक्ष कमल बहादुर थापाको हस्ताक्षर सहितको पत्र पठाईएको पार्टीको केन्द्रीय कार्यालयले जनाएको हो ।