महेन्द्र जिसी/भदौ १७, पर्बत । जिल्ला अस्पतालबाट एक सय  मिटरको दुरीमा  औषधि पसल हुनुपर्ने  नेपाल सरकारको कानुनी प्राबधान पुरा गराउन  नसकेको जिल्ला जनस्वाथ्य कार्यालय पर्वतले  जिल्लाका दश मेडीकलहलहरुको अनुगमन गरेको छ ।   

शुक्रबार कार्यालयले कार्यालय परिषमा रहेका बागलुङ मेडीकलहल र भगवान मेडीकलहलको अनुगमन गरेको हो । त्यस्तै अनुगमन टोलिले  प्रकास आयुवेर्दीक, पर्वत मेडीको फर्मा , गणेश मेडीकलहल, पर्वत मेडीकलहल लगायतको अनुगमन गरेको हो । 

अनुगमनमा सरकारी अस्पतालका डाक्टरहरुले कार्यालयमा भन्दा मेडीकलले  मेडीकलहलहरुमा सेवा दिने गरेको पाइएको हो । अनुमती नै नलिइ एक्सरे ईसिजी भिडीयो एक्सरे लगायतका सेवा सञ्चालनमा  ल्याएको समेत भेटिएको छ । 

गणेश मेडीकलहल पर्वतमा अनुमती र दक्ष प्राविधिक नै नभइकन एक्सरे सेवा सञ्चालनमा ल्याइएको पाइएको हो । त्यस्तै पर्वत मेडीकलहल पर्वतमा पनि  ईसीजी मुटुको जाँच भिडीयो एक्सरे लगायतका सेवा अनुमती विना सञ्चालमा रहेको भेटिएको छ । 

त्यती मात्र होईन मेरो डेन्टल होममा  अस्पतालाका डाक्टरले अस्पताल भन्दा  किल्नीकमा सेवा बढी दिने गरेको पाईएको को हो. । डेण्डल होम सञ्चालक मना पुनका अनुसार   जिल्ला अस्पतालका डाक्टर मुत्ती रानाभाटले २४ से घण्टा किल्नीकमा सेवा दिँदै आएको भेटीएको हो ।अनुगमन संयोजक दिपक भण्डारीले अनुगमनमा भेटीएका  कमजोरीलाई दुई महीना भित्र सुधारमा ल्याउन आग्रह गरीएको बताउनु भयो ।

अनुगमन टोलिले केही मेडीकलहलहरुबाट उपभोग्य मिति सकीएको औषधि जफत समेत गरेको छ । यसरी अव्यवस्थीत रुपमा सञ्चालनमा रहेका  एक्सरे सेवाले मानीसमा बाँझोपना समेत आउन सक्ने भएका कारण अनुमती विना सञ्चालित र अव्यवस्थित एक्सरे सेवा बन्द गराउन टोलिले सुझाव दिएको छ । 

जिल्ला प्रशासन कार्यालय, जिल्ला जनस्वाथ्य निरीक्षक, र उपभोक्त मञ्च लगायतको टोलिले जिल्लाका दश औषधि पसल र तीन किल्नीकको अनुगमन गरेको हो ।