बिदुर एमसी/ बैशाख २८, दाङ ।  त्रिपुर क्षेत्रका वरिष्ठ समाजसेवी, उद्योगी तथा राजनितिज्ञ डिल्लीबहादुर वलीले डि.टेन.ईन्टरटेन्मेन्ट त्रिपुर दाङले यही जेष्ठ १ देखि आयोजना गर्न लागेको प्रतिष्ठित, बहुप्रतिष्ठित, बहुप्रतिक्षित तथा प्रतिस्पर्धात्मक नृत्य बिद्याको महा भिडन्त मध्यपश्चिमाञ्चल स्तरीय नृत्य प्रतियोगिता डान्स आईकन दाङ (डि.आई.डि)को आयोजनाको अनुमानित लागत खर्च ५ लाख रुपैयाँ प्रदान गर्नुहुने भएको छ ।

डि टेन ईन्टरटेन्मेन्टका कार्यकारी निर्देशक तथा डान्स आईकन दाङ (डि.आई.डि)का संयोजक बिष्णुकुमार देवकोटाका अनुसार कार्यक्रमलाई भव्य रुपमा सफल गर्नका लागि वली ले सर्वाधिक रकम सहयोग गर्न लागेको जानकारी दिनुभयो । केही दिनमै जिल्लामा सरोकारवालाहरु बीच पत्रकार सम्मेलन गर्दे सहयोग रकमको सम्झौता पत्र वलीले डि टेन ईन्टरटेन्मेन्टलाई हस्तान्तरण गर्नुहुने छ । दाङ जिल्लालाई आधार मानेर मध्यपश्चिमका सुर्खेत, नेपालगंज, सल्यान, प्यूठान र दाङमा प्रारम्भिक चरणका अडिसनहरु संचालन गरी नृत्य विद्याका प्रतिस्पर्धिहरुलाई छनौट गरी करिब ५ चरण सम्म प्रतिक्ष्पर्धात्मक पस्चात भव्य साँस्कृतिक महोत्सवका बीच कार्यक्रमको ग्राण्ड फिनालेको आयोजना गरी बिजेता घोषणा गरिने देवकोटाले जानकारी दिनुभयो । दाङ जिल्लालाई आधार मानेर जिल्लामा मध्यपश्चिमाञ्चल स्तरीय नृत्य प्रतियोगिता डान्स आईकन दाङ (डि.आई.डि) सर्वाधिक ठूलो धन राशिको हो । यसमा प्रथम हुने ले नगद रु. १ लाख ११ हजार एक सय एक रुपैयाँ पाउने छन् भने ५ वटा म्युजिक भिडियोहरुमा मोडलिङ्ग गर्ने अवसर, मोबाईल सेटहरु, आकर्षक गिफ्ट ह्याम्परहरु प्राप्त गर्ने छन् । प्रतिस्पर्धा कूल ५ वटा बिद्याहरुमा हुनेछ जस अनुसार फस्ट रनर अप, सेकेन्ड रनर अप, पब्लिक च्वाईस अवार्ड र जज च्वाईस अवार्ड समेत समावेश गरिने छ । बिजेता हरुलाई कुनै न कुनै उपहारको साथमा आकर्षक मेडल, प्रमाण पत्रले बिभुषित गरिने छ । यसै बीच कार्यक्रमलाई भव्यताका साथमा सफल पार्नका लागि देश तथा बिदेश बाट सहयोगको प्रतिबद्धता आउने क्रम जारी रहेको छ । कार्यक्रमलाई पत्रकार सम्मेलन मार्फत औपचारिक रुपमा सुभारम्भ गरिने देवकोटाले जानकारी दिनुभयो ।