सन्तोषकुमार गुप्ता/ बैशाख २८, दाङ ।  दाङको तुलसीपुरमा मंगलवार विहान भएको सवारी दुर्घटनामा परि एक जनाको मृत्यु भएको छ भने थप दुई जना गंभिर घाईते भएका छन् । तुलसीपुर अमेलीया सडक खण्डको तुलसीपुर १२ हरिपौरीमा बोलेरोले मोटरसाईकललाई ठक्कर दिँदा तुलसीपुर १८ का २० वर्षीय विजय धितालको मृत्यु भएको छ ।

दुर्घटनामा परि गंभिर घाईते उनको राप्ती अञ्चल अस्पताल तुलसीपुरमा उपचारका क्रममा मृत्यु भएको ईलाका प्रहरी कार्यालय तुलसीपुरले जानकारी दिएको छ । मृतक धिताल घरतर्फ जाँदै थिए । मोटरसाईकलमा पछाडी सवार उनका फूपुका छोरा घोराही निवासी २० वर्षकै मनिस धिताल गम्भिर घाईते भएका छन् । उनको हाल राप्ती अञ्चल अस्पतालमा उपचार भइरहेको छ । दुर्घटनामा परि बोलेरो चालक विजौरी ४ हेमन्तपुर निवासी निवासी अन्दाजी २६ वर्षीय यमबहादुर डाँगी पनि गम्भिर घाईते भएका छन् । उनको पनि हाल राप्ती अञ्चल अस्पतालमै उपचार भइरहेको छ । मंगलवार विहान साढे १० बजेतिर अमेलीयावाट तुलसीपुर आउँदै गरेको ग २ च १०४४ नम्वरको बोलेरो र तुलसीपुरवाट सितलपुरतर्फ जाँदै गरेको रा २ प ८१६ नम्वरको मोटरसाईकल एक आपसमा ठोक्किदा उक्त दुर्घटना भएको हो । तिव्र गतिका कारण उक्त दुर्घटना भएको प्रहरीले बताएको छ ।

त्यसैगरी लमही सहकर्मी दशरथ घिमिरेका अनुसार ट्रकले मोटर साईकललाई ठक्कर दिँदा दाङमा तीन जना घाईते भएका छन् । दुर्घटनामा परि मोटरसाईकलमा सवार सतवरीया २ बनघुस्री निवासी लमही नगर विकास समितिका अध्यक्ष घनश्याम सुवेदी, उनकी श्रीमती नारायणी सुवेदी र दामोदर पुन मगर घाईते भएका छन् । ईलाका प्रहरी कार्यालय लमहीका अनुसार घाइते तीनै जनाको लमहीमा प्रारम्भिक उपचारपछि थप उपचारका लागि बुटवल रेफर गरिएको छ । घाईते तीनै जनाको खुट्टा फ्याक्चर भएको जानकारी दिइएको छ । मंगलवार विहान साढे ८ बजेतिर पूर्वपश्चिम राजमार्गको सतवरिया २ वनघुर्सीमा ना २ ख ४७१३ नम्वरको ट्रकले रा १ व २३१ नम्वरको मोटरसाईकललाई ठक्कर दिँदा उक्त दुर्घटना भएको थियो । पूर्ववाट पश्चिमतर्फ आउँदै गरेको ट्रक र पश्चिम वाट पूर्वतर्फ जाँदै गरेको मोटरसाईकल एक आपसमा ठोक्किएर उक्त दुर्घटना भएको थियो । त्यसैगरी देउखुरीको भालुवाङ प्यूठान सडक खण्ड अन्र्तगत बर्राबासको ओरालोमा मंगलबार टेक्टर दुर्घटना हुँदा दुई जना महिला गम्भीर घाईते भएका छन् ।

प्यूठानको ददेरीबाट दाङको भालुवाङ आउने क्रममा रा १ त १४३४ नम्बरको टेक्टर लालमटिया—३ बर्राबासमा अन्त्रित भई टेक्टरको ट्राली पल्टिदा लालमटिया—३ की ३२ बर्षीय प्रमिला महत्तरा र सोही ठाउँकी ३३ बर्षीय आसा चौधरी गम्भीर घाईते भएको ईलाका प्रहरी कार्यालय भालुवाङ्गका प्रहरी प्रमुख मदन केसीले जानकारी दिए ।

घाईते दुबैको भालुवाङ्गमा समान्य उपचार पछि थप उपचारका लागि बुटवल पठार्ईएको अस्थाई ट्राफिक प्रहरी पोष्ट भालुवाङ्गका ट्राफिक प्रमुख अम्मर थापाले जानकारी दिए । टेक्टर र चालकलाई भने ईलाका प्रहरी कार्यालय भालुवाङ्गले आफ्नो नियन्त्रणमा लिएको छ ।