सन्तोषकुमार गुप्ता/पुस ८, दाङ । लमही खानेपानी उपभोक्ता तथा सरसफाई संस्थाको पुस १५ गते हुने निर्वाचनमा वाम एकता हुने भएको छ ।

काँशीराम डाँगीको नेतृत्वमा चुनावी मैदानमा उत्रनेगरी वामपन्थिका विचमा एकता भएको एमालेका क्षेत्रिय अध्यक्ष रतन कुमार केसीले जानकारी दिनुभएको छ । अध्यक्ष पदमा उम्मेदवारी घोषणा गर्नु भएका डाँगीलाई एमालेको समर्थन छ ।

निर्वाचनमा एमाले वाट अध्यक्ष र एक सदस्य, उपाध्यक्षमा वैद्य माओवादी, सचिव र एक सदस्य राष्ट्रिय जनमोर्चा, कोषाध्यक्ष र एक सदस्य एकिकृत नेकपा माओवादी र २ सदस्यमा विप्लव माओवादीले आफ्नो पक्षका उपभोक्तालाई निर्वाचनमा उम्मेदवार वनाउने तयारी गरेका छन् । वाम एकता हुने सहमती भएपनि अझै पदका विषयमा छलफल चलीरहेको वुझीएको छ । राप्रपा नेपाललाई पनि गठवन्धनमा ल्याउने गृहकार्य भैरहेको छ ।