सन्तोषकुमार गुप्ता/पुस ७, दाङ । नेपाल तरुण दलका केन्द्रिय अध्यक्ष उदय शम्सेर जवराले राजनीतिक संस्कारको बिकास लागि सुचना प्रबिधीको अधिक्तम प्रयोग गर्न युवाहरुलाई आग्रह गर्नुभएको छ ।
नेपाल तरुण दल दाङले सोमबार नेता कार्यकर्ता भेटघाट तथा संबिधान बारे जानकारी बिषयक घोराहीमा आयोजना गरेको कार्यक्रममा अध्यक्ष जवराले पुरानै राजनीतिक संस्कारबाट अहिलेको परिबेशमा मुलुक रुपान्तरण हुन नसक्ने बताउनुभयो ।
प्रबिधीको बिकासका कारण बिश्व एउटा सानो सहर झै भईसकेको सन्र्दभमा आजका युवाहरु पनि बिश्वमा भईरहेको राजनीतिक, आर्थिक, समाजीक, सांस्कृति लगायतका बिकासको अध्ययन गरि परिर्वतनमा लाग्नु पर्नेमा जोड दिनुभयो ।
नेपाली काग्रेसका तर्फबाट सांसद रहनुभएका जवराले पाटीका नेताहरुलाई गाली गर्न नहुने बताउनुभयो । गाली गर्नु भन्दा उहाहरु भन्दा सृजनशील काम गरेर देखाई राजीतिक प्रतिस्पर्धामा उत्रनु पर्नेमा सुझाब दिनुभयो ।
नेपाल तरुण दल दाङका अध्यक्ष टीका घर्तीको अध्यक्षतमा भएको कार्यमक्रममा नेपाली काग्रेसका नेतृ एबम सांसद अनिता देबकोटाले नेपालमा सबैको अधिकार सुनिश्चीत भएको संबिधान भएको बताउनुभयो । उहाले संबिधानको अन्तर बस्तुको बारेमा बस्ती बस्तीमा जानकारी गराउनु पर्नेमा जोड दिनुभयो ।
अब संबिधानबाट नागरिकले प्राप्त अधिकारको बारेमा जानकारी गराउनु पर्छ उहाले भन्नुभयो । कार्यक्रममा नेपाल तरुण दलका केन्द्रिय सदस्य जन्मजय तिमिल्सेना,नेपाली काग्रेस दाङका उपसभापति नारायण बिसी,नेबिसंघका केन्द्रिय सदस्य युवराज खडका,नेपाल प्रेस युनियन दाङका अध्यक्ष सुशील बस्नेत, नेपाल महिला संघ दाङका अध्यक्ष गोमा महरा लगायतले बोल्नुभएको थियो ।
कार्यक्रममा नेपाल तरुण दल क्षेत्र नम्वर ४ का अध्यक्ष रमेश मल्लले स्वागत र जिल्ला सदस्य धु्रब आचार्यले सहजीरकण गर्नुभएको थियो ।
यस बिषयमा तपाइको प्रतिक्रिया...!