सन्तोषकुमार गुप्ता/पुस ७, दाङ । नेपाल जेसीज २०१६ को राष्ट्रिय अध्यक्ष पदमा दाङका निशान्त आचार्यले उम्मेद्वारी घोषणा गर्नुभएको छ । आगामी पुस १०, ११ र १२ गते महेन्द्रनगरमा हुने ४२ औं अधिवेसनमा घोराही निवासी आचार्यले उम्मेद्वारी घोषणा गर्नुभएको हो ।

परिवर्तनका लागि एकता’ भन्ने नारा लिएर मध्य तथा सुदूर पश्चिमको नेतृत्व गदै अध्यक्ष पदमा उम्मेद्वारी घोषणा गरेको आचार्यले जानकारी दिनुभयो । यसअघि आचार्यले जेसीजको कार्यकारी उपाध्यक्ष, महासचिव पदको जिम्मेवारी सम्हाली सक्नुभएको छ ।

उहाँले आइतबार त्रिभुवन नगर जेसीजका पूर्व अध्यक्षहरुसँग पनि उम्मेद्वारीका सन्दर्भमा छलफल गर्नुभएको छ । देशभरका ६४ शाखाका २ हजार ५५ जना मतदाता रहेका छन् ।

जसमध्ये दाङबाट ४ वटा शाखा रहेका छन् । कार्यक्रमको सहजीकरण त्रिभुवन नगर जेसीज वर्ष २०१५ का अध्यक्ष बिमल श्रेष्ठले गर्नुभएको थियो ।