ओमप्रकाश गुप्ता/पुस ७, सिसहनियाँ । ऐरावती आर्दश बहुमुखी क्याम्पस लालमटियामा अध्ययनरत बिएड र विविएस दोस्रो र तेस्रो वर्षका विद्यार्थीहरुले आइतवार एक कार्यक्रमको आयोजना गरि विविएस पहिलो वर्षका विद्यार्थीहरुलाई स्वागत गरेका छन् ।

विद्यार्थी परिचालन समितिका अध्यक्ष अशोक बेल्बासेको अध्यक्षता एवम् क्याम्पस सञ्चालन समितिका अध्यक्ष सुर्यप्रकाश शर्माको प्रमुख आतिथ्यतामा भएको स्वागत कार्यक्रममा दोस्रो र तेस्रो वर्षका विद्यार्थीहरुले पहिलो वर्षका विद्यार्थीहरुलाई फुलमाला र टिका लगाई स्वागत गरेका हुन् ।

विद्यार्थी पवित्रा चौधरीको स्वागत मन्तव्यबाट सुरु भएको कार्यक्रममा क्याम्पस प्रमुख विष्णुप्रसाद भुषाल, क्याम्पस सञ्चालन समितिका उपाध्यक्ष युवराज न्यौपाने, कोषाध्यक्ष केशवराज खनाल, लालमटिया गाविस सचिव दामोदर पोख्रेल, क्याम्पसका शिक्षा संकाय संयोजक रामकृष्ण पौडेल, पत्रकारहरु ओमप्रकाश गुप्ता, विदुर एम.सी, सन्तोषकुमार गुप्ता, कमल गिरी र विद्यार्थी धुव्र बेल्वासे लगायतका वक्ताले शुभकामना मन्तव्य व्यक्त गर्नु भएको थियो साथै कार्यक्रममा विभिन्न नृत्यहरु समेत प्रस्तुत गरिएको थियो भने कार्यक्रमको सञ्चालन विद्यार्थी मिना भट्टाईले गर्नु भएको पत्रकार ओमप्रकाश गुप्ताले जानकारी दिनुभएको छ ।