ओमप्रकाश गुप्ता/पुस ७, सिसहनियाँ । सिसहनियाँ गाविसको आगामी गाउँ परिषदका लागि सञ्चालित वडा भेलाहरुबाट आएका योजनाहरु लाई आइतवार देखि एकिकृत योजना तर्जुमा समितिको बैठकबाट प्राथामिकताको आधारमा योजना तथा कार्यक्रमहरु छनौट गर्न सुरु गरेको छ ।

आर्थिक वर्ष २०७३/०७४ मा खर्च हुने गरि अनुमानित कुल ४१ लाख २१ हजार २ सय ९० रुपैयाँ मध्येबाट भौतिक पुर्वधार तर्फ ६० प्रतिशतका ठुला योजनाहरुमा १० लाख ३८ हजार ४ सय ६९ रुपैयाँ मध्यबाट वडा नं. १ मा लाइनिङ निमार्णका लागि २ लाख ७ हजार रुपैयाँ, वडा नं. ३ मा पक्की नाली निमार्णका लागि रु २ लाख ७ हजार रुपैयाँ , वडा नं ८ को सगरापुरमा पनफकुवा र पक्की वाल निमार्णका लागि २ लाख ७ हजार रुपैयाँ, वडा नं. ९ को बगरापुरमा चौमुहानमा पक्की पनफकुवा बाँध निमार्णका लागि २ लाख ७ हजार रुपैयाँ र वडा नं. ४ मा कल्र्भट तथा बाटो विस्तारका लागि २ लाख १० हजार ४ सय ६९ रुपैयाँ अनुमोदन गरेको छ ।

भने महिला तर्फ १० प्रतिशतका दरले ४ लाख १२ हजार २ सय ९० रुपैयाँ मध्येबाट उद्घोषणकला तथा भाषणकला तालिमका लागि रु ५० हजार, नारी दिवसका लागि रु २० हजार, महिला ससक्तिकरण कार्यक्रमका लागि रु ३० हजार, लक्ष्मी महिला सहकारीको भवन मर्मतका लागि रु ५० हजार, प्रसुती सेवाका लागि रु ७० हजार, आमा समुह लाई सुरक्षित मातृत्व सेवा तालिमका लागि रु ४० हजार, थप २ जना स्वम्सेविकाहरु लाई ड्रेस र सुविधाका लागि रु २० हजार, दुना टपरी मेसिन व्यवस्थापनका लागि रु २० हजार, पहाडी क्षेत्रबाट सुत्केरी गराउन आउनेलाई यातायात खर्च स्वरुप रु ३० हजार, क्षमता विकास तालिमका लागि रु २० हजार, पुर्ण सरसफाईका लागि रु २० हजार र स्वम्सेविकाहरु लाई यातायात खर्च स्वरुप रु ६२ हजार २ सय ९० रुपैयाँ बजेट अनुमोदन तथा स्वीकृत गरेको छ ।

गाविस सचिव मंगलप्रसाद चौधरीको अध्यक्षतामा भएको बैठकमा एकिकृत योजना तर्जुमा समितिका पदाधिकारी, राजनितिकदलका प्रतिनिधि, गाउँ अगुवा र वडा नागरिक मञ्चका प्रतिनिधिहरुको सहभागिता रहेको छ । बैठकको सहजीकरण गाविसकी प्राविधिक विमला भट्टराई खनालले गर्नु भएको थियो ।