सन्तोषकुमार गुप्ता/मङ्सिर २८, दाङ् । सांसद तथा नेपाली कांग्रेसका नेता डिल्लीबहादुर चौधरीले धर्मलाई विकाससँग जोडेर लैजानुपर्ने बताउनु भएको छ ।

अहिलेको विश्वमा धार्मिक अस्तित्व संकटमा पर्दै जान थालेको भन्दै उहाँले अब धर्मलाई केबल पूजाआजामै सिमित नगरेर विकाससँग जोड्नुपर्नेमा जोड दिनु भएको हो ।

डुरुवा ३ लुहाडबरास्थित राधाकृष्ण मन्दिरमा आयोजना भएको श्रमद्भागवत सप्ताह ज्ञान महायज्ञमा आइबार प्रमुख अतिथिका रुपमा बोल्दै चौधरीले यस्तो बताउनु भएको हो ।‘विश्वमा धेरै धर्महरु अहिले विकाससँग जोडिएर आफ्नो प्रभाव फैलाउन लागेका छन् उहाँले भने ‘बहुधार्मिक नेपालमा पनि हरेक धर्महरुको अस्तित्व संकटमा पर्न थालेको छ, अब हाम्रो आआफ्नो धर्मलाई बचाउनका लागि धर्मलाई विकाससँग जोड्नुपर्छ, उहाँले भन्नु भयो ।

चौधरीले जिल्लाको विकासका लागि आफूले नीतिनिर्माण तहमा सक्दो प्रयास गरिरहेको भन्दै त्यसका लागि स्थानीयमा पनि जागरुकता आउनुपर्नेमा जोड दिनु भयो । ‘तपाईहरुले कहाँ के समस्या छ भनेर भन्नुप¥यो, म जनताकै प्रतिनिधि हुँ, तपाईहरुकै छोरा चेला हुँ म सक्दो प्रयास गर्नेछु’ उहाँले भन्नु भयो । ‘आफ्नो ठाउँको विकास निर्माणका लागि मैले हरसम्भव प्रयास गरेको छु, गरिरहनेछु, भन्नु भयो

डुरुवालाई सडक सञ्जालसँग जोड्नका लागि धेरै ठूला लगानीका पुलहरुको निर्माणका लागि आफूले पहल गरेको पनि उनले बताउनु भयो । ‘डुरुवालाई अरु गाउँसहरसँग जोड्नका लागि मात्रै विभिन्न ठूला ३ वटा पुलहरु बन्ने भएका छन्, त्यसका लागि म धेरै लडेको छु’ उहाँले भने ‘मेरो प्राथमिकता विकास निर्माण नै हो, त्यसका लागि तपाई सबै जनताले साथ दिनुपर्छ, भन्नु भयो ।

मन्दिर परिसरमा धर्मशाला निर्माणका लागि आयोजना गरिएको उक्त महायज्ञमा चौधरीले व्यक्तिगत १५ हजार नगद सहयोग गरेको थिए भने सांसद विकास कोषबाट १ लाख एकहजार १ रुपैयाँ सहयोग गर्ने प्रतिवद्धता समेत व्यक्त गर्नु भएको थियो ।