सन्तोषकुमार गुप्ता/मङ्सिर २८, दाङ् । देउखुरीको लालमटियामा स्थापना भएको न्यू डान्स क्रियसन लालमटियाको आईतबार लालमटियामा एक कार्यक्रमको आयोजना गरी कार्यालय उद्घाटन गरिएको छ ।

वि.सं. २०७१ सालमा लालमटियामा क्रियाशिल युवाहरुको भेलाले परम्परागत नेपाली संस्कृति संरक्षण गदै युवाहरुमा रहेको प्रतिभालाई राष्ट्रियस्तर सम्म पु¥याउन न्यू डान्स क्रियसन गठन गरिएको थियो ।

क्रियसनलाई कालिका सामुदायिक वन उपभोक्ता समूह लालमटियाले आफ्नो भवनको एउटा कोठा उपलब्ध गराएपछि कार्यालय उद्घाटन गरिएको हो ।

क्रियसनका अध्यक्ष शरद रावतको अध्यक्षता एवम् समाजेवी तथा विकासप्रेमी युवराज न्यौपानेको प्रमुख आतिथ्यमा रिबन काटेर विधिबत कार्यालयको उद्घाटन गरिएको छ ।

क्रियसनकी सदस्य पार्वता खड्काको स्वागत मन्तव्यबाट शुरु भएको कार्यक्रममा बोल्ने बक्ताहरुले सानै उमेरबाट आफ्नोमा रहेको प्रतिभा उजागरण गर्न सके राष्ट्रिय कलाकार समेत बन्न सकिने भएकाले युवा तथा बालबालिकाहरुको सकरात्मक कार्यलाई सबैले सहयोग गर्नु पर्ने बताएका थिए ।

कार्यक्रममा कालिका सामुदायिक वन उपभोक्ता समूहका अध्यक्ष जोहरमान मियाँ, राप्ती उद्योग बाणिज्य संघका कार्यालय सचिव सन्तोषकुमार योगी, सामुदायिक प्रहरी सेवा केन्द्र लालमटियाका उपाध्यक्ष तथा पत्रकार सन्तोषकुमार गुप्ता, लालमटिया युवा सञ्जालका उपाध्यक्ष उमेश अधिकारी, युवा समाजसेवी बिनोद जिसी, पत्रकारद्धय प्रलाह्द बन्जाडे र सुनिल आचार्य लगायतका बक्ताले शुभकामना मन्तव्य व्यक्त गर्नु भएको थियो ।

४२ सदस्यीय पद्धाधिकारी रहेको न्यू डान्स क्रियसनले सो अवसरमा एक दर्जन बढी सांस्कृतिक प्रस्तुतहरु देखाएका थिए । कार्यक्रमको सञ्चालन सञ्चारकर्मी जमिर शाहले गर्नु भएको थियो ।