बैशाख २९, ओखलढुंगा । ओखलढुंगाको रानीवनमा विपत् व्यवस्थापन सम्बन्धि अन्तरक्रिया सम्पन्न भएको छ । 

युएसएआईडीको आथिर्क सहयोग,सबल कार्यक्रमको समन्वय,ग्रामिण विकास मञ्च फोर्ड नेपालको व्यवस्थापन तथा भिजन एफएमको सहजिकरणमा शनिवार रानीवनमा अन्तरक्रिया गरिएको हो । 

ग्रामिण विकास मञ्च फोर्ड नेपालका अध्यक्ष भिमबहादुर कार्कीको अध्यक्षता तथा सहायक प्रमुख जिल्ला अधिकारी   रामप्रसाद ज्ञावलीको प्रमुख आतिथ्यतामा भएको कार्यक्रममा जिल्ला तहका विषयगत कार्यालयका प्रमुख तथा प्रतिनिधीहरुको उपस्थिती रहेको थियो । 

स्थानीय विपत् व्यवस्थापन समितिका पदाधिकारी,दलका नेता र सरोकारवालाहरुको उल्लेख्य सहभागिता रहेको थियो । कार्यक्रममा स्थानीय स्तरमा चुनौतीका रुपमा रहेको विपत् जोखिम र त्यसको न्यूनिकरणका लागि अपनाउन सकिने सतर्कताका विषयमा छलफल भएको थियो । 

स्थानीय वत्ताहरुले सरकारी सेवा र विपत्मा परेर समस्यामा रहँदा सरकारी तथा गैरसरकारी निकायले गरेको योगदानका विषय उठान गरेका थिए । सबल कार्यक्रमले विपत्का समयमा महत्वपूर्ण सहयोग गरेको र जिवीको पार्जन सुधारमा समेत सबलका कार्यक्रमहरु प्रभावकारी रहेको स्थानीयको भनाई थियो । 

सहायक प्रमुख जिल्ला अधिकारी र जिल्लाबाट गएको टोलीले स्थानीयको जिज्ञासाको जवाफ दिएका थिए । कार्यक्रमका प्रमुख अथिती समेत रहनुभएका सहायक प्रमुख जिल्ला अधिकारी रामप्रसाद ज्ञावलीले राज्यका निकायहरुको साथ लिएर अघि बढ्न स्थानीयलाई आग्रह गर्नुभयो । 

विपत्बाट बच्न चेतनाको विकास र पूर्वतयारीको अभ्यास आवश्यक रहेको ज्ञावलीको भनाई थियो । कार्यक्रमका विषेश अतिथी सबल कार्यक्रमका ओखलढुंगा प्रमुख ईन्द्र तामाङले गाउँमा आएका विकास र कार्यक्रमहरुलाई प्रभावकारी बनाउन स्थानीयको भूमिका महत्वपूर्णहुने बताउनुभयो । 

उहाँले सबलले सञ्चालन गरेका कार्यक्रमबारे चनाखो बन्न र कार्यक्रबाट बढी लाभ लिन आग्रह गर्नुभयो । कार्यक्रमका सभापत्ति फोर्ड नेपालका अध्यक्ष भिमबहादुर कार्कीले समयको माग र स्थानीयको आवश्यकताका आधारमा कार्यक्रमहरु सञ्चालनमा आफुहरुले जोड्दिने बताउनुभयो । उहाँले फोर्ड नेपालले थप दातृसंस्थाको सहयोगमा जिल्लामा अन्य कार्यक्रमहरु पनि सञ्चालन गर्ने तयारी गरिरहेको जानकारी दिनुभयो । 

यसैबिच ओखलढुंगाको चम्पादेवी गाउँपालिका १० रानीवनमा वर्षा मापन यन्त्र जडान गरिएको छ । सबल कार्यक्रमको सहयोगमा हावापानी फिल्ड कार्यालयका निमिक्त प्रमुख अभियान पौडेलले रानीवन स्थित सुनकेशरी मावि परिषरमा शनिवार वर्षा मापन यन्त्र जडान गर्नुभएको हो । 

त्यसक्षेत्रको वर्षाको अवस्था पत्ता लगाई विपत् व्यवस्थपनमा टेवा पु¥याउने उद्देश्यले उक्त यन्त्र जडान गरिएको सबल कार्यक्रमका विपत् व्यवस्थापन अधिकृत गोमती जोशीले जानकारी दिनुभयो । उहाँका अनुसार यन्त्र जडान पश्चात त्यसको सुरक्षा र प्रयोगबारे विद्यार्थी र स्थानीयलाई जानकारी समेत गराईएको थियो ।