दलसिंह गिरी/फागुन २९, कालिकोट । यूनिसेफ नेपालको आर्थिक सहयोग तथा सेतो गुरास बालबिकास सेवा कालिकोटको आयोजनामा संचालित अभिभावक शिक्षा कार्यक्रमको निर्धारित समयावधी सकिए संगै प्रारम्भिक बालबिकासमा साक्षरता तथा पूर्ण गणित अवधारणा सम्बन्धि सिप कार्यक्रमको उद्घाट गरिएको छ । 

५ बर्ष मुनिका बालबालिकाहरुमा बानीको बिकासका लागि पैरवी गर्ने उद्देश्यले जिल्लाका १६ वटा गाविसमा संचालित कार्यक्रम आफ्नो लक्ष्य प्राप्ति गर्न तयार योजना अनुसार अभिभावक शिक्षा कार्यक्रम सकिए संगै तत् कार्यक्रमको उद्घाटन गरिएको हो ।

जिल्ला शिक्षा कार्यालयको सहकार्यमा संचालित कार्यक्रम सन २०१८ सम्म संचालन हुने र विशेषगरी बालबालिकाहरुको क्षमता विकास, पूर्व बालविकास केन्द्रमा कार्यरत शिक्षिकाहरुको सिप विकास, बालबालिकाहरुलाई विद्यालय तयारीका लागि प्रारम्भिक साक्षरता तथा गणितीय अवधारणा सम्बन्धि क्षमता अभिबृद्धि जस्ता विभिन्न कृयाकलापहरु गरिने सेतो गुरासका जिल्ला कार्यक्रम संयोजक हुकुम शाहीले बताउनु भएको छ ।

सेतो गुरास बालबिकास सेवा कालिकोटका अध्यक्ष मिठ्ठु शाहीको अध्यक्षता, जिल्ला शिक्षा अधिकारी विष्णु प्रसाद तिवारीको प्रमुख आथित्यता, जिल्ला स्थीति विभिन्न सरकारी तथा गैर सरकारी कार्यालयका प्रमुख प्रतिनिधि, नागरिक समाजको उपस्थितिमा संचालित अभिमुखीकरण कार्यक्रमका सहभागिहरुले बालबालिकाहरुको क्षमता विकासका लागि सेतो गुरासले संचालन गरेका कार्यक्रम प्रभावकारी देखिएको बताउदै यस्ता कार्यक्रम अन्य निकायद्धारा पनि संचालन गरेका देखिएकाले डुब्लीकेशनबाट सजक रहन सुझाब दिएका छन् ।

कार्यक्रमलाई थप प्रभावकारी बनाउन स्थानीय तथा जिल्ला तहका सम्पूर्ण सरोकारवाला निकाय संग समन्वय गर्न अनिवार्य आवश्यकता रहेको सहभागीहरुले सुझाब दिएका छन् । बालबिकासको सवालमा संस्थाले गरेका गतिविधिहरुबारे प्रकाश पार्दै कार्यक्रम संयोजक शाहीले हाल जिल्लाका १६ वटा गाविसका १ सय २० वटा बालबिकास केन्द्रमा काम गरिरहेको, गरिब २ हजार ७ सय ४७ अभिभावकहरुलाई बालबालिकाको क्षमता विकासबारे शैद्धान्तिक तथा ब्यवहारीक ज्ञान प्रदान गराएको कार्यक्रम संचालित धेरै जसो बालबिकास केन्द्रको स्तर उन्नतीमा टेवा पुगेको लगायतका विबिध प्रगतिहरु प्रस्तुत गर्नु भएको छ ।