दलसिंह गिरी/माघ २९, कालिकोट । आफ्नै भूमिबाट जह्ज चढ्ने कालिकोटे वासीहरुको बर्षकौं देखिको चाहना अब पुरा भएको छ । 

कालिकोटे जनताहरुलाई ह्वाई यातायातको पहुँचमा पुर्याउने हेतुले ३ दशक पहिले सिलान्यास गरिएको कोटवाडा सुनथराली विमान स्थलमा विधिगत ढंगले प्लेनको परिक्षण उडान सफल भएपछि कालिकोटेहरुको प्लेन चड्ने चाहना पुरा भएको हो ।

विगतका बर्षहरुमा कछुवाको गतिमा निर्माण भैरहेको विमान स्थल कर्नालीका युवा नेता तथा बर्तमान सरकारका सास्कृतिक पर्यटन तथा नागरिक उड्यन मन्त्रि जिबन बहादुर शाहीले देखाएको दृढइच्छा शक्तिका साथै उनले आफ्नै कार्यकालमा बिमान भर्ने प्रतिवद्धता गरे पश्चात रप्तारमा निर्माण भएको  विमान स्थलको धावनमार्ग पुरा भएपछि आज २९ गते सफल परिक्षण उडान भएको छ । 

निर्माण कार्यको अवस्थाबारे स्वयम आफैं ३/३ पटक कालिकोट आएका पर्यटन मन्त्री शाहीको दृढताले धावनमार्ग निर्माणकार्य पुरा भै तारा एयरको 9N-ABM टवीटर विमान सफल अवतरण भएको छ । तारा एयरका बरिष्ट चालक सन्तोष शाहले विमान सफल अवतरण गराउनु भएको हो । 

नागरिक उड्यन प्राधिकरणका उपमहानिर्देशक राजकुमार क्षेत्री लगायतको उपस्थितिमा परिक्षण उडान भरिएको सफल अवतरण पश्चातको एक कोणसभा कार्यक्रममा बोल्दै विमान चालक शाहले विमान अवतरणका लागि आवश्यक पर्ने भौगोलिक बनावट एकदम उपयुक्त रहेको बताउनु भएको छ ।

यस्तै स्थानीय नागरिक समाजको तर्फबाट बोल्दै कालिकोटका मिन बहादुर बोगटीले कालिकोटे वासीको विमान चढ्ने अधुरो सपना ३ दशक पछि पुरा भएको बताउनु भएको छ । आज २९ गते पहिलोपटक विमान अवतरण हुने पूर्व जानकारी पाएका लालु, माल्कोट, रुप्सा कुमालगाउँ, कोटवाडा, रकु, मान्म लगायतका कालिकोटवासीहरु झ्ज हेर्न विहानै एयरपोर्टमा हजारौंको संख्यामा जम्मा भएका थिए । 

जहाज हेर्न आएका कालिकोटवासीहरु जहाज अवतरण पश्चात हुटिंग सहित नेपालको राष्टिय फुल लालिगुरास फुलको मालाले स्वागत गरेका छन् । फुलमालाको स्वागत पश्चात खुशी ब्यक्त गर्दै कोटवाडाका ८५ बर्षिया काल्चा वि.क. आफ्नो परानी रहेसम्म आफ्नै  ठाउँसम्म चिलगाडी देख्न पाउला भन्ने सैना (सपना) नै हराएको थियो आज एक्कासी आफ्नै आखाले देख्न पाए भन्दै खुशी ब्यक्त गर्दछन् । 

विमान चढ्ने सपना बोकी विमान स्थल कटान गर्नेक्रममा माटोको ढिस्कोले पुरी ज्यान गुमाएका १७ बर्षिया जगत हादुर विष्टकी आमा रोजना विष्ट आज चिलगाडी यहि चउरमा देख्दा मरेको छोराको याद आएको बताइन । 

छोराले देखेको चिलगाडी चढ्ने सपना आज पुरा भएको भएको छ भन्दै खुशि ब्यक्त गरेकी छन् । आज विहान गरिव पौने १० बजे अवतरण गरेको तारा एयरको विमान करिव आधा घण्टाको कोणसभा कार्यक्रम पश्चात नेपालगंजतिरै लागेको छ ।  

करिव ६ सय ९० मिटर लम्बाई र ६० मिटर चौडाई स्टामेट रहेको विमान स्थल हाल तत्काल ४० मिटर चौडाई र करिव ५ सय ५० मिटर लम्बाई रहेको धावनमार्ग निर्माण भएको निर्माण स्थलमा खटिएका इन्जिनियर रत्न बहादुर श्रेष्टले बताउनु भएको छ । आज परिक्षण गरिएको विमानस्थलको यहि फागुन ११ गते सम्ममा विधिगत ढंगले उद्घाटन गरिने उड्यन प्राधिकरणले जनाएको छ ।