मोहम्मद ईजहार शेष | असार ४, परासी | दोस्रो चरणको स्थानीय तहको निर्वाचनमा नवलपरासी प्रदेश नम्बर ५ मा रहेको ७ वटा स्थानीय तह मध्ये दुईवटा स्थानीय तहमा उत्साहपुर्ण तरीकाले मनोनयन तर्दा भएपनि पाँचवटा स्थानीय तहमा त्राशपुर्ण वातावरणमा मनोनयन दर्ता भएको छ । 

परासी क्षेत्रको सुनवल र बर्दघाट नगरपालिकामा मनोनयन दर्ताको क्षण उमेदवार र तिनका समर्थकहरुका लागि उल्लासपुर्ण रहेपनि त्यो बातावरण राजपाको प्रभाव रहेको पाँचवटा स्थानीय तहमा बन्न सकेन । राजपाको आमसभाको क्रममा सनिवार परासीमा भएको झडप र फायरीङ्गको क्रममा दर्जनौं नेता कार्यकर्ता घाईत्ते भएपछि राजपाको प्रभाव रहेको क्षेत्रमा त्रासपुर्ण वातावरणमा उमेदवारहरु मनोयन दर्ता गराएका छन् । जिल्लाको रामग्राम नप र गाँउपालिकाहरु सरावल , पाल्हीनन्दन , प्रतापपुर र सुस्ता गाँउपालिकामा राजपाको बिरोधका बावजुद  मनोनयन दर्ता भएको छ । मनोनयन दर्ता भईरहेको बेला बिरोध गर्न पुगेका राजपाकाका कार्यकर्ताहरु प्रतापपुर र सुस्ता गाउँपालिकावाट गिरफ्तार भएका छन् । संयुक्त लोकतान्त्रिक मधेसी थरुहट मोर्चाका जिल्ला संयोजक मुकुर्जि गिरीले अहिलेसम्म पचासभन्दा बढि राजपका नेता कार्यकर्ताहरु गिरफ्तार भएको बताउनु भएको छ ।

राजपा नेपालले विरोध गर्ने कार्यक्रम भए आन्दोलनको नेतृत्व गर्ने नेताहरु गिरफ्तार भएपछि कडा सुरक्षा व्यवस्थाका कारण शान्तिपुर्ण तरीकाले उमेदवारी दर्ता भएको छ । जिल्लामा नेपाली कांग्रेस, एमाले, माओवादि, राप्रपा, बहुजन,नयाँ शक्ति नेपाल, नेपाल लोकतान्त्रिक फोरम र संघिय समाजवादि लगायत पार्टिहरुले मनोयन दर्ता गराएका छन् । भने नयाँ शक्ति नेपाल, नेपाल फोरम लोकतान्त्रिक र संघिय समाजवादि पार्टिको गठबन्धन भएको छ ।

कडा सुरक्षाका साथ सुरु भएको उमेदवारी दर्तामा सुनवल नगरपालिका बाट मेयरमा १३ जस्मा स्वतन्त्र ५, उपमेयरमा १० जना छन् भने स्वतन्त्र ३ जना रहेका छन् , बर्दघाट नगरपालिकामा मेयर १३ स्वतन्त्र ५, उपमेयर ७ स्वतन्त्र २, प्रतापुर गाँउपालिकामा अध्यक्ष ८ स्वतन्त्र ३ उपाध्यक्षमा ५, त्रिवेणी गाँउपालिकामा अध्यक्ष ७ उपाध्यक्ष ५, पाल्हीनन्दन गाँउपालिकामा अध्यक्ष ७ स्वतन्त्र ३ उपाध्यक्ष ६ र रामग्राम नगरपालिकामा मेयरमा १० स्वतन्त्र ३ उपमेयरमा ७ जना रहेका छन् । त्यस्तै रामग्राम नगरपालिकाको मेयर पदको १० जना उमेदवमर मध्ये एक तेस्रो लिङ्गि पनि उमेदवारी दिएका छन् । नेकपामाले बाट गिता सैथवारले तेस्रो लिङ्गिमा उमेदवारी दिएको रामग्राम नगरपालिकाका मुख्य निर्वाचन अधिकृत कैलाश केसिले बताउनु भएको छ ।