कार्तिक २२, काठमाडौँ | भारतीय र्‍यापर हनी सिंहले सम्बन्ध विच्छेद गरेका छन्।

भारतीय सञ्चारमाध्यमहरुका अनुसार बिहे गरेको १२ वर्षपछि उनले श्रीमती सालिनी तलवारसँग सम्बन्ध विच्छेद गरेका हुन्।

उनीहरुको २ वर्षदेखि अदालतमा सम्बन्ध विच्छेद मुद्दा चलिरहेको थियो। हनी सिंहलाई सालिनीले घरेलु हिंसाको आरोप लगाएकी थिइन्। उनले हनी सिंह र उनको परिवारबाट पटक-पटक शारीरिक, मानसिक र भावनात्मक दुर्व्यवहारमा परेको बताएकी थिइन्।

सम्बन्ध विच्छेदको अनुमति दिनुअघि अदालतले हनी सिंहलाई उनी अझै श्रीमतीसंग बस्न चाहानुहुन्छ भनेर सोधेको थियो त्यसमा उनले अब संगै बस्नुको अर्थ नभएको बताएका थिए।