मुम्बई । मृणाल ठाकुर बलिउड र दक्षिण भारतकी सफल र चर्चित अभिनेत्री हुन् । उनको दुई नयाँ फिल्म हाई नन्ना र फ्यामिली स्टार रिलिज हुने क्रममा छ । यी दुबै फिल्म तमिल, तेलुगु र हिन्दीसमेत कयौं भाषामा रिलिज हुनेछ । पछिल्ला केही दिनयता भने मृणाल आफ्नो व्यक्तिगत जीवनका कारण चर्चामा छिन् ।

समाचारहरुका अनुसार मृणाल ठाकुर एक तेलुगु अभिनेतासँग प्रेममा छिन् । दुबैले छिट्टै नै आफ्नो सम्बन्धलाई एक कदम अगाडि बढाउन गइरहेका छन् अर्थात् दुबै छिट्टै नै विवाह बन्धनमा बाँधिदैछन् । हालै एउटा अवार्ड शोमा सीता रामका लागि मृणाललाई उत्कृष्ट अभिनेत्रीकी अवार्ड दिँदै साउथका दिग्गज फिल्म निर्माता अल्लु अरिविंदले मृणाललाई छिट्टै बिहे होस् भनेर आर्शिवाद दिएका थिए ।

‘म चाहन्छु कि मृणाल हैदरावाद सेटल होउन्,’ अल्लु अरविन्दले भनेका थिए । अवार्ड शोलगत्तै मृणालको बिहेको चर्चा शुरु भयो । एउटा अन्तरवार्तामा बिहेका लागि उपर्युक्त व्यक्ति खोज्ने कुनै सही उमेर नहुने मृणालले भनेकी थिइन् ।