कार्तिक १६, काठमाडौँ | आजको दिन बलिउड अभिनेता शाहरुख खानका लागि विशेष दिन हो । बिहानैदेखि शाहरुखको नामको चर्चा जताततै भइरहेको छ । बिहीवार उनको ५८ औं जन्मदिन हो । यस विशेष दिनमा, फ्यानले अन्ततः त्यो उपहार पाएका छन् जसको लागि उनीहरू उत्सुक थिए । यो सन्दर्भमा शाहरुखको आगामी फिल्म ‘डंकी’को टिजर सार्वजनिक भएको छ ।

यो टिजरलाई निर्माताले ‘ड्रप १’ नाम दिएका छन् । यसको अर्थ, टिजरका अन्य श्रृंखला पनि आउन सक्छन् ।

शाहरुखले फिल्ममा हार्डीको भूमिका निर्वाह गरेका छन् । उनी आफ्ना साथीलाई इङल्याण्ड लैजान चाहन्छन् । एक मिनेट ४७ सेकेन्डको भिडियोमा कमेडी र एक्सन छ । सुरुमा देखाइएको दृश्यले तपाईंलाई त्रसित तुल्याउन सक्छ । ‘पठान’ र ‘जवान’पछि शाहरुख फेरि बक्स अफिसमा धमाका गर्न तयार रहेको फ्यानले बताएका छन् ।

शाहरुखको यो फिल्म ‘डंकी’ कमेडी ड्रामा हो । यसको कथा ‘डन्की फ्लाइट’ नामक अवैध आप्रवासीको प्रविधिमा आधारित छ । अभिजात जोशी र कनिका ढिल्लनको साथमा पटकथा लेखेका राजकुमार हिरानीले निर्देशन गरेका हुन् ।

टिजर मरुभूमिबाट सुरु हुन्छ, जहाँ केही मानिस भाग्न खोजिरहेका छन् । बालुवामा कंकाल छन् । त्यसपछि एक व्यक्तिले ती व्यक्तिलाई गोली हान्छन् । यसपछि शाहरुखका साथी बुग्गु इङ्ल्यान्ड जान चाहन्छन्, तर उनका परिवारका सदस्यले उनलाई हजुरआमाको कसम खुवाएर विदेश जानबाट रोक्ने हरसम्भव प्रयास गर्छन् ।

त्यसपछि शाहरुखको प्रवेश हुन्छ जो आफ्नो गाउँमा साथीसँग रमाइलो जीवन बिताउँछन् र साथीको सपना पूरा गर्न संघर्ष गरिरहेका छन् । यी साथीमध्ये (तापसी पन्नु) पनि छन्, जसलाई उनी माया गर्छन् । आखिर, यी चारको जीवन परिवर्तन गर्ने कथा के हो र उनीहरूको सपना के हो, यो २२ डिसेम्बर २०२३ मा फिल्म हलमा मात्र थाहा हुनेछ ।

रेड चिलीज इन्टरटेनमेन्ट र जियो स्टुडियोको ब्यानरमा निर्माण भएको यस फिल्ममा शाहरुखसहित तापसी पन्नु, दिया मिर्जा र बोमन इरानीले अभिनय गरेका छन् । यी बाहेक धर्मेन्द्र, सतीश शाह, परीक्षित साहनी पनि छन् । विक्की कौशल र काजोलको क्यामियो र स्पेशल अपेरेन्स पनि रहने बताइएको छ ।

‘डंकी’को छायांकन मुम्बई, कश्मीर, लन्डन बुडापेस्ट, जेद्दा र निओममा गरिएको थियो । गीतको संगीत प्रीतमले गरेका हुन् । यो फिल्म विदेशमा २१ डिसेम्बर र भारतमा २२ डिसेम्बर २०२३ मा रिलिज हुनेछ ।