पुस ५, काठमाडौँ | म्यानपावरले पुर्वस्वीकृति नलिई वैदेशिक रोजगारमा पठाउन पाउदैन । तर म्यानपावरहरुले विना पुर्वस्वीकृति अवैध धन्दा चलाउदै पैसा अशुली गरि युवाहरुलाई पिडित बनाउदै आईरहेको पाइएको छ । 

वैदेशिक रोजगारको क्रममा क्रोएसिया पठाउने भनि काठमाडौँको सामाखुसी स्थित लिंक स्टार म्यानपावरले एक युवालाई एक बर्षदेखि झुलाउदै आएको पिडितले गुनाशो गरेका छन् । उनि सहित अरु युवाहरुलाई क्रोएसिया वैदेशिक रोजगारमा पठाउने भनि अग्रिम ५० हजारको दरले अशुली गरेको र लामो समयसम्म पठाउन नसकेपछि पैसा र पासपोर्ट फिर्ता माग्दा बिभिन्न नाममा रकम काटेर पैसा फिर्ता पाउने म्यानपावरले बताएको ति पिडितले गुनाशो गरे । 

पीडितले भने 'लामो समय भयो, एक महिनापछि र दुई महिना पछि भन्दै झुलाउदै आएको छ, लामो समयसम्म काम नभएपछि पैसा र पासपोर्ट फिर्ता माग्दा पैसा काटेर दिने बताइरहेको छ ।' पीडितले पठाएको प्रमाणहरुको आधारमा सम्बन्धित म्यानपावरले 'एब्रोड जब्स' र 'लिंक स्टार म्यानपावर सर्भिस' नामको फेसबुक पेजबाट पीडितलाई रोजगारमा पठाउने प्रलोभन दिएको खुलेको छ । सम्बन्धित पीडितले म्यानपावरले पैसा अशुलीको लागि अवैध रुपमा खडा गरेको संजिला राईलाई ५० हजार सिटि एक्सप्रेस मनि ट्रान्सफर मार्फत पठाएका थिए । प्राप्त प्रमाणको आधारमा सम्बन्धित म्यानपावरले पीडितलाई गत जनवरी ५ तारिकमै क्रोएसिया पठाउनको लागि डकुमेन्ट फरवार्ड भईसकेको भन्ने जानकारी दिएको थियो तर त्यसको  एक बर्ष बित्न १५ दिन मात्र बाँकी छँदा पनि म्यानपावरले झुलाईरहेको पीडितले गुनाशो गरे ।

तश्वीरमा: सम्बन्धित म्यानपावरले पैसा अशुली गर्न अवैध व्यक्ति खडा गर्ने गरेको पाइएको छ । वैदेशिक रोजगार बिभागको रेकर्ड अनुसार संजिला राई सम्बन्धित म्यानपावरको आधिकारिक कर्मचारी होइनन् । 

वैदेशिक रोजगार नीति अनुसार लाइसेन्स प्राप्त म्यानपावरले पुर्व स्वीकृति नलिई वैदेशिक रोजगारमा पठाउन नपाइने नियम छ । तर केहि म्यानपावरहरुले व्यक्तिगत श्रम स्वीकृति लिएर वैदेशिक रोजगारमा पठाउने क्रियाकलापलाई धन्दानै बनाएका छन् । यस सम्बन्धमा सम्बन्धित निकाय समेत मौन बसेको छ । 

कति युवाहरु सिकार बनेका छन् एकिन छैन 

पछिल्लो समय वैदेशिक रोजगारमा आकर्षक प्रलोभन देखाएर पैसा अशुली गर्दै झुलाउदै गर्ने क्रियाकलाप नौलो भने होइन । युरोप वा कुनै आकर्षक देशको प्रलोभनमा पर्दा कयौं युवाहरु नजानेर र केहि जानीजानी दलालको पासोमा पर्ने गरेका छन् ।

कतिपय देशमा नेपाली दुतावास नहुँदा डिमाण्ड प्रमाणीकरण हुँदैन । डिमाण्ड प्रमाणीकरण नहुँदा दलालहरुले डिमाण्डको खेल खेल्छन् । यसरी खेल खेल्नेहरु मध्ये केहिले काम पनि गरिदिन्छन् तर अधिकांशको भने ठग्ने धन्दा मात्र हुन्छ ।  ठगि गर्नेहरुले कतिपयले व्यक्तिगत आवश्यकता वा संस्थाको आवश्यकता पूर्ति गर्न सयौं युवाहरुलाई गोटी बनाई लाखौँ पैसा अशुली गर्ने र लामो समयसम्म झुलाउने गरेको समेत पाइएको छ । त्यसरी अशुली भएको पैसाले विदेशमा प्रोसेसको नाममा आफ्नो आवश्यकता पुरा गर्ने गरिएको छ । कानुनी रुपमा बच्नको लागि बिभिन्न उपाय अपनाएर पैसा अशुली गर्ने र कसैले प्रमाण पुर्याएर सम्बन्धित निकायमा उजुरी गरिहालेमा वा गर्छु भनेमा पैसाकै बलमा केस मिलाउने वा उजुरी कर्तालाई पैसा मिलाएर अरुलाई झुलाउदै जाने गरिएको गुनाशो बढेको छ । त्यसो आफै काम गर्न नसक्ने वा प्रोसेस नै नगरी यो र त्यो बहानामा पैसा अकातियो भनि अग्रिम अशुलीको पैसा काटिदिने समेत गुनाशो समस्यामा परेका युवाहरुको गुनाशो छ । यही उपाय अपनाएर युवाहरुहरुसँग करोडौं अशुली गरेका कतिपय  दलालहरु यतिखेर फरार भएर भारत वा अन्य देशमा छन् । सम्बन्धित व्यक्तिहरुबाट पिडितहरुले प्रयाप्त प्रमाणको अभाव र सम्बन्धित निकायको वेवास्थाको सिकार बन्नु परिरहेको छ । कतिपय युवाहरुले आफू ठगिएको प्रमाण समेत पुर्याउन सक्दैनन् वा नगदमा कारोवार गर्छन् । यस्ता युवाहरु भने चुपचाप बस्नुको विकल्प छैन ।