पुस २७, काठामाडौं । विदेशीले नेपालको श्रम स्वीकृति लिनुपुर्व अन्तर्वार्ता दिनुपर्ने भएको छ । श्रम तथा व्यवसायजन्य सुरक्षा विभागले एक सूचना जारी गर्दै माघ १ देखि विदेशीले नेपालको श्रम स्वीकृति लिन अन्तर्वार्ता दिनुपर्ने व्यवस्था गरेको हो । 

कोभिड-१९ को विश्वव्यापी महामारीको कारण असामान्य अवस्थामा श्रम स्वीकृतिका लागि अन्तर्वार्तामा भौतिक रुपमा उपस्थित हुन समस्या रहदै आएकोमा वर्तमान अवस्था सामान्यतर्फ उन्मुख रहेको हूँदा पुर्ववत रुपमा अन्तर्वार्ता लिइने विभागले जनाएको छ । विभागले नेपालमा आएर काम गर्ने विदेशीको लागि श्रम स्वीकृति दिंदै आएको छ ।