काठमाडौँ | गर्मीमा आरुको सेवनले स्वास्थ्यलाई धेरै फाइदा पुर्‍याउँछ । धेरै पोषक तत्त्वहरूले भरिपूर्ण आरु स्वास्थ्य सम्बन्धी समस्याहरू हटाउन लाभदायक हुन्छ । आरुमा भिटामिन ए, भिटामिन सी, पोटासियम, जिङ्क, तामा, क्याल्सियम, फाइबर, म्याग्नेसियम र सोडियम जस्ता पोषक तत्त्वहरू प्रशस्त मात्रामा पाइन्छ, जसले धेरै समस्याहरू हटाउन फाइदाजनक हुन्छ।

आरुको सेवनले प्रतिरक्षा प्रणाली बलियो बनाउँछ। यसका साथै पेटसँग सम्बन्धित समस्या पनि हट्छ । यसले आँखाको ज्योति बढाउन पनि मद्दत गर्छ ।

१. रोग प्रतिरोधात्मक क्षमता बढाउँछ

रोग प्रतिरोधी क्षमता बढाउन आरुको सेवन निकै फाइदाजनक मानिन्छ । आरुमा भिटामिन सी प्रचुर मात्रामा हुन्छ, जसले शरीरमा एन्टिअक्सिडेन्टको रूपमा काम गर्छ। जसले गर्दा प्रतिरक्षा प्रणाली बलियो हुन्छ । यसका साथै मौसमी रोगबाट बच्न पनि आरुको सेवन लाभदायक हुन्छ ।

२. वजन घटाउन लाभदायक

आरुको सेवन तौल घटाउन निकै फाइदाजनक मानिन्छ । आरुमा क्यालोरीको मात्रा निकै कम हुन्छ, जसले तौल घटाउन मद्दत गर्छ । यदि तौल घटाउन चाहनुहुन्छ भने आरुको सेवन अवश्य गर्नुहोस् ।

३. आँखाको समस्याका लागि

आँखाको समस्याका लागि आरुको सेवन निकै फाइदाजनक मानिन्छ । आरुमा भिटामिन ए को गुण पाइन्छ, जसले आँखाको ज्योति बढाउन मद्दत गर्छ। साथै आँखाको समस्या हटाउन पनि फाइदाजनक हुन्छ ।

४. पाचनको समस्या हटाउँछ

पाचन सम्बन्धी समस्याबाट छुटकारा पाउन आरुको सेवन निकै फाइदाजनक मानिन्छ । आरुमा प्रशस्त मात्रामा फाइबर हुन्छ जसले पेटसम्बन्धी समस्यालाई हटाउन मद्दत गर्छ।

५.मुहार सुन्दर बनाउँछ

आरुमा पनि भिटामिन सी को कारण त्वचा सुन्दर हुन्छ । यसमा पाइने भिटामिन सी ले सुर्यको किरणबाट छालालाई बचाउँछ । यसले मुहारको मृत कोशिका हटाउँछ । आरुको गुदी निकालेर महको साथमा अनुहारमा लगाएर आधा घण्टा पछि धुनाले मुहार सुन्दर भएर आउँछ ।