नरी बडु | असार ५, बैतडी | साउने झरीसंग रमाउदै बैतडीका प्रमुख जिल्ला अधिकारी किशोरकुमार चौधरी किशानहरुले कृषिसम्बन्धि ज्ञान सिक्न स्थापना गरेका विभिन्न कृषक पाठसालामा पुगेका छन् । 

किसानले गरेको मेहेनत र परिश्रमलाई प्रोत्सान दिन प्रमुख जिल्ला अधिकारी चौधरी सहीत कृषि विकास अधिकृत कमलेस तिवारी, जिल्ला प्रहरी प्रमुख मोहन प्रसाद पोखरेल, जिल्ला अनुसन्धान प्रमुख रमेस डाँगा लगायतका सरोकारवाला पाठसालामा पुगेका हुन् । 

पाठसालामा पुगेर प्रमुख जिल्ला अधिकारी चौधरीले किसानहरु संग अन्र्तक्रिया समेत गरेका छन् । जिल्ला कृषि विकास कार्यालयको कामको अनुगमन गर्न पुगेका उनले खेतमै गएर कृषकहरुका गुनासा एवं समस्याहरु बुझेका छन् ।  

“कृषकहरुको खेतमै गएर उनीहरुले फलाएको तरकारी, अन्नपात देख्दा आफु एकदमै हर्षित भए” अधिकारी चौधरीले भने । 

चौधरी मात्र होईन जिल्ला कृषि विकास कार्यालयका प्रमुख कमलेस तिवारी, प्रहरी प्रमुख मोहन प्रसाद पोखरेल विभिन्न राजनीतिक दलका प्रमुख एवं प्रतिनिधि र पत्रकारहरुले समेत कृषकहरुको खेतमै रहेका पाठसालामा गएर छलफल गर्न पाउदा आफु हर्षित भएको बताए । कृषि विकास अधिकृत तिवारीले किसानहरुले खेतमा राखेका जिज्ञासाको जावाफ जवाफ दिदै तरकारी र अन्नबालीमा लाग्ने रोगहरु  र रोगबाट बच्ने उपायका बारेमा समेत किशानहरुलाई बताए । 

जिल्लाको पाटन, शिद्धेश्वर, न्वाली, गोकुलेश्वर लगायतका गाँउमा रहेका कृषि फम र पाठसालाहरुको साउन १ र २ गते जिल्लाका सबै सरोकारवालाहरुले अनुगमन तथा निरीक्षण गरेका छन् । 

कृर्षि सम्बन्धि विभिन्न कुराको जानकारी लिन खेतमै पाठसाला संचालन गरेका छन् । उक्त पाठसालामा कृषि सम्बन्धि विज्ञ व्यक्तिले किसानहरुलाई कृषिका विषयमा विभिन्न किसमका जानकारी दिने गर्दछन् । 

माथिको तस्बिरमा: कृषक पाठसालामा किशानहरुसंग रमाउदै प्रमुख जिल्ला अधिकारी किशोर कुमार चौधरी, बरीष्ट कृषि बिकास अधिकृत कमलेस तिवारी, प्रहरी प्रमुख मोहनप्रसाद पोखरेल लगायत अन्य किशानहरु |

कृषक समुहमा छलफल गर्दै प्रजिअ, सरोकारवाला र समुहका सदस्यहरु | 

तरकारी बारीमा किसानहरुसंग छलफल गर्दै प्रजिअ किशोर कुमार चौधरी, बरीष्ट कृषिविकास अधिकृत कमलेस तीवारी र जिल्ला प्रहरी प्रमुख मोहनप्रसाद पोखरेल

टमाटरमा लागेको रोगबारे किसानलाई बताउदै बरिष्ट कृषि विकास अधिकृत कमलेस तिवारी

समुहले गरेका कामको बारेमा बताउदै समुहका एक सदस्य | तश्विर: नरी बडु | सास/बैतडी