साउन २१, काठामाडौँ । पाकिस्तानमा एउटा रेल दुर्घटना हुँदा कम्तीमा १५ जनाको मृत्यु भएको छ । आइतबार सिन्ध प्रान्तमा हजारा एक्सप्रेस नाम गरेको रेल लिकबाट उछिट्टिएर दुर्घटना भएको हो ।

पाकिस्तानका रेल मन्त्री साद रफीकले दुर्घटनामा कम्तीमा १५ जनाको मृत्यु भएको जानकारी दिए । लाहोरमा आयोजित पत्रकार सम्मेलनमा उनले रेल दुर्घटनाको कारण यकिन हुन नसके पनि रेलको गति भने सामान्य नै रहेको पाइएको जानकारी दिए ।

दुर्घटनास्थलमा उद्धारको काम भइरहेको छ । उद्धारमा खटिएका अधिकारीहरुका अनुसार रेलको ८ वटा डिब्बा लिकबाट उछिट्टिएको छ । रेलको डिब्बामुनि केही यात्री फसेको जनाइएको छ । तीमध्ये केहीको अवस्था गम्भीर रहेको अधिकारीहरुको भनाइ छ ।