इमरान खान/असोज १०, कपिलवस्तु । नेपाल पत्रकार महासंघ कपिलवस्तु शाखाले पत्रकार महासंघको २५औ अधिवेसनबाट नेपाल पत्रकार महासंघकानवनिर्वाचित केन्द्रीय अध्यक्ष गोविन्द आचार्यलाइ विजया दशमी,मोर्हरम,शुभ दिपावली तथा छट पर्वको अवसर पारी स्वागत कार्यक्रम कपिलवस्तुको तौलिहवामा सम्पन्न गरीएको छ । 

नेपाल पत्रकार महासंघको २५ औँ महाधिवेशनबाट निर्वाचित भएपछि सोमवारनेपाल पत्रकार महासघंका,कपिलवस्तुमा आयोजित स्वगत तथा बधाई कार्यक्रममा अध्यक्ष आचार्यले कार्ययोजना बनाएर महासंघ सबैको साझा संस्था हो भन्ने अनुभूति दिलाउने प्रतिबद्धता व्यक्त गर्नुभएको छ । 

नेपाल पत्रकार महासंघ कपिलवस्तु शाखाले सोमवार तौलिहवामा गरेको स्वगत तथा बधाई कार्यक्रममा उहाँले निर्वाचनको बेला फरक– फरक प्यानल भए पनि अब त्यसको अन्त्य भइसकेको बताउनुभयो । 

लोकतान्त्रिक पद्धतिमा चुनावी प्रक्रिया हुनु स्वभाविक हो त्यस लगत्तै सबै पत्रकार र पत्रकार महासंघका साझा संस्था भइसकेको छ उहाँले भन्नुभयो । विभिन्न चुनौतीका बावजुद पनि आफ्नो कार्यकालमा साझा चरित्रको महासंघ बनाएर छाड्ने प्रतिवद्धता समेत जहिर गर्नुभयो । 

पत्रकार महासंघ शुद्धीकरण गर्ने आफ्नो मुख्य उद्देश्य रहेको उहाँले उल्लेख गर्नुभयो । अध्यक्ष आचार्यले वुद्धिजिवी, नागरिक समाज लगायतका मानिसहरुको सहभागितामा सार्वजनिक सुनुवाई कार्यक्रम गरेर पत्रकार हो यो होइन भन्ने कुराको टुंगो लगाउने समेत बताउनुभएको छ । क्रियाशील नभएका पत्रकारहरुलाई सम्मानका साथ विदाई गरीने र क्रियाशील छुटेका पत्रकारहरुलाई महासंघमा ल्याउने समेत बताउनुभएको छ ।

विजया दशमी, मोर्हरम,शुभ दिपावली तथा छट पर्वको शुभकामना आदानप्रदान कार्यक्रममा जिल्ला प्रमुख मदन भुजेल, जिल्ला प्रहारी कार्यालयका एस.पि, सेना प्रमुख, सिमा शुरक्षा बल ( सशस्त्र ) कपिलवस्तुका प्रमुख भगवान मल्ल तथा नेपाल पत्रकार महासघंका कपिलवस्तु का सम्पुर्ण पत्रकारहरुको उपस्थितिमा कार्यक्रम सम्पन्न भएको थियो ।