पुष १३, कपिलवस्तु | नेपाल पत्रकार महासंघ कपिलवस्तु शाखाले पत्रकार महासंघको सदस्यता सम्बन्धि गरेको निर्णय विरुद्ध जिल्लाका क्रियाशिल पत्रकार आन्दोलित भएका छन् । शाखाले हालै सदस्यता सम्बन्धि गरेको निर्णयले जिल्लाका कृयाशिल पत्रकारको गम्भिर ध्यानाकर्षण भएको पत्रकारहरुले बताएका छन् ।

जसको विरोध स्वरुप जिल्लामा दुई दिनमा दुईवटा संघर्ष समिती गठन गरिएको छ । हिजो मात्र सदरमुकाम तौलिहवा सहित जिल्लाका दक्षिणी भेगका पत्रकारहरुले संघर्ष समिती गठन गरि आन्दोलनमा होमिएका छन् भने आज राजमार्ग केन्द्रित मिडियाका पत्रकारहरुले अर्को संघर्ष समिती गठन गरि आन्दोलनमा उत्रिएका छन् ।

नेपाल पत्रकार महासंघ कपिलवस्तु शाखाले गरेको विभेदपुर्ण निर्णयको खारेज गरी तत्काल नयाँ सदस्यता खुलाउन आफुहरुको जोडदार माग रहेको पत्रकार संयुक्त संघर्ष समितीका संयोजक दिपक अनुरागीले बताउनुभयो ।

शाखाले पत्रकार महासंघको सदस्यता खुल्ला गर्दा विभिन्न मिडिया र सम्बन्धित पत्रकारलाई थाहा दिनुपर्ने हो, तर थाहा त परै जाओस महासंघको सदस्यता खुलाएको भन्दै झुट सहितको दाबी प्रस्तुत गर्न खोजिएकोले आफुहरु बाध्य भई आन्दोलनमा उत्रिएको संघर्ष समितीका सदस्य अशोक पौडेलले बताउनुभयो ।

पत्रकार महासंघको सदस्यता नखुलाई पार्टि निकट पत्रकारहरुको बैठक बसी पुराना सदस्यको खारेजि संगै सिमित पत्रकारलाई मात्र नयाँ सदस्यता दिनु समग्र पत्रकारहरु माथिको गम्भिर विभेद भएको पत्रकार संयुक्त संघर्ष समितीका सहसंयोजक गशेण पोख्रेलले जनाउनुभयो ।

जिल्लामा बर्षौ देखि राष्ट्रिय तथा स्थानिय मिडियामा काम गरेका क्रियाशिल पत्रकारलाई व्यवस्था गर्दै आफ्ना गोजीका केहि मान्छेलाई सदस्यता वितरण गर्न खोजिएको पत्रकारको गुनासो रहेको छ ।

यसैबिच नेपाल पत्रकार महासंघ कपिलवस्तुमा आज गठित संघर्ष समितीले भोली तालाबन्दी संगै गम्भिर ध्यानाकर्षण सहितको ज्ञापत्र पत्र बुझाउने तयारी गरेको समितीका सदस्य कोपिला पोखेलले जानकारी दिनुभयो । साथै आजै साझ सम्ममा नेपाल पत्रकार महासंघको केन्द्रिय कार्यलयमा ध्यानाकर्षण पत्र पठाई अबको एक दुई दिन भित्रमा आन्दोलित सबै पत्रकार संग थप छलफल गरी आगामी दिनमा नयाँ चरणका कार्यक्रम घोषणा गर्ने तयारी भएको संघर्ष समितीका सदस्य रामु पौडेलले बताउनुभयो । संघर्ष समितीमा जिल्लाका १३ क्रियाशिल पत्रकार रहेका छन् ।