असार १५, गुल्मी । गुल्मीमा शुक्रबार रातिको अबिरल वर्षा कारण पहिरोले घर पुरिंदा एकै परिवारका ४ जनाको जनाको मृत्यु भएको छ । एक जना बेपत्ता भएका छन् ।
गुल्मीको मालिका गाउँपालिका-६ कंडेल पाटामा भेषबहादुर बिकको घर पहिरोले पुर्दा ४ जनाको मृत्यु भएको प्रहरीले बताए | पहिरोले घर पुरेको शनिबार बिहान मात्रै थाहा भएको थियो ।
प्रहरीका अनुसार पहिरोमा पुरिएर भेषबहादुर बिक, बुहारी सीता बिक, नातिनी सपना बिक र बिना बिकको शव फेला परेको छ भने पहिरोमा भेषबहादुरकी श्रीमती बेपत्ता रहेको बताए । उनको खोजी भइरहेको प्रमुख जिल्ला अधिकारी शर्माले बताए ।
घटनास्थलमा उद्धारको लागि प्रहरी, स्थानीय जनप्रनिधि र रेडक्रसको टोली पुगेका छन् ।
यस बिषयमा तपाइको प्रतिक्रिया...!