नरी बडु | असोज २०, बैतडी | राष्ट्रिय सुचना तथा सञ्चार केन्द्र नेपाल कञ्चनपुरले बैतडीको चितुवा प्रभावित क्षेत्र तल्लोस्वराडमा चितुवा खोज्न प्रयोग हुने उपकरण प्रहरीलाई हस्तान्तरण गरेको छ ।  

बिहिबार उदयदेव गाविसमा एक कार्यक्रमका बिच करिब ५० हजार बरावरको उपकरण हस्तान्तरण गरिएको हो । उदयदेव गाविस कार्यलय मार्फत प्रहरी टोलीलाई १ थान दुरपिन र ४ थान हाई पावरका टर्च लाइट हस्तान्तरण गरिएको गाविसका प्राविधिक लक्ष्मण महताले बताए । 

बैतडीको तल्लोस्वराड क्षेत्रमा चितुवाले मानवबस्ती पसेर मानिसमाथि आक्रमण गर्न थालेपछी जिल्ला सुरक्षा समितिको भदौ १९ गतेको बैठकले चितुवा मार्ने निर्णय गर्दै प्रभावित क्षेत्रमा प्रहरी टोली परिचालन गरेको थियो । सोहि निर्णय अनुसार जिल्ला प्रहरी कार्यालय बैतडीले प्रभावित क्षेत्रमा १५ जनाको प्रहरी टोली खटाएको छ । 

प्रभावित क्षेत्रमा खटाईएको प्रहरी टोलीले यसअघि उपकरण अभावमा चितुवा मार्न नसकिएको बताएको थियो । यसअघि विभिन्न सञ्चारमाध्यममा उपकरण नहुदा चितुवा मार्न नसकिएको भन्ने समाचार सुनेर प्रहरीलाई चितुवा मार्न सनिलो होस भनेर उपकरण हस्थान्तरण गरिएको राष्ट्रिय सुचना तथा सञ्चार केन्द्र नेपाल कञ्चनपुरका अध्यक्ष ज्ञानेन्द्र महताले बताए । 

चितुवाले श्रृङखलाबद्घ रुपमा मानिसमाथि आक्रमण गर्न थालेपछी प्रभावित तल्लोस्वराडका स्कुले विद्यार्थी र स–साना बालबालिकालाई बढी असर परेकोले उपकरण हस्तान्त।ण गरिएको हो । राष्ट्रिय सुचना तथा सञ्चार केन्द्र नेपाल कञ्चनपुरले बैतडीको चितुवा प्रभावित क्षेत्र तल्लोस्वराडमा चितुवा खोज्न प्रयोग हुने उपकरण प्रहरीलाई हस्तान्तरण गरेपछी आफुहरु चितुवा मर्नेमा आशावादी भएको स्थानिय रोसन साउदले बताए ।

तल्लोस्वराडमा गएको भदौ महिनामा दुई बालिका गरी वि स २०६८ सालदेखि हाल सम्म २२ जनाको चितुवाको आक्रमणवाट ज्यान गईसकेको छ । 

क्याप्सनः राष्ट्रिय सुचना तथा सञ्चार केन्द्र नेपाल कञ्चनपुरका अध्यक्ष ज्ञानेन्द्र महता उदयदेव गाविस मार्फत बैतडीको तल्लो स्वराडमा चितुवा मार्न खटिएको प्रहरी टोलिलाई उपकरण हस्तान्त्रण गर्दै |

(रोसन साउदको फेशबुकबाट)