कार्तिक २१, काठमाडौँ | नेकपा (एकीकृत समाजवादी)का अध्यक्ष माधवकुमार नेपाल नेतृत्वको टोली चीनतर्फ प्रस्थान गरेको छ । उनीसहित १५ जनाको टोली मंगलबार दिउँसो त्यसतर्फ गएको हो ।
चीन प्रस्थान गर्नुअघि अध्यक्ष नेपालले चिनियाँ कम्युनिस्ट पार्टीको विदेश विभागको निमन्त्रणामा आफू नेतृत्वको टोली त्यसतर्फ जान लागेको जानकारी दिए ।
चीन भ्रमणका क्रममा त्यहाँका नेताहरूसँग छलफल गर्ने, खुनमिङ हुँदै बेइजिङनजिकैको सहर पुग्ने कार्यक्रम रहेको उनले बताए ।
नेपालका कम्युनिस्ट नेताहरूलाई चीन 'पानी पँधेरो', पाँच महिनामा ५८ जना भ्रमणमा
उनले भूकम्पपीडित नागरिकका निम्ति सरकार क्रियाशील हुनुपर्नेमा जोड दिए । जनताको चाहनाका आधारमा भूकम्पपीडितका निम्ति सबै दलहरू एक भएर काम गर्नुपर्ने उनले बताए ।
चीन भ्रमण सम्पन्न गरेर अध्यक्ष नेपालको टोली यही कात्तिक २८ गते स्वदेश फर्कने कार्यक्रम छ ।
यस बिषयमा तपाइको प्रतिक्रिया...!