असोज १८, काठमाडौँ | हिजबुल्लाह प्रमुख हसन नसरल्लाहलाई इजरायलले हत्या गरेपछि मध्यपूर्वमा तनाव अझ चुलिएको छ। इजरायलले हमास र हिजबुल्लाह दुवै विरुद्ध युद्ध घोषणा गरेपछि, इरानका सर्वोच्च नेता अली खामेनेईले तेहरानमा आयोजित जुमेको नमाजका क्रममा सम्बोधन गरेका छन्।
खामेनेईले ५ वर्षपछि पहिलो पटक सार्वजनिक रूपमा सम्बोधन गर्दै विश्वका मुसलमानहरूलाई एकजुट हुनको लागि आह्वान गरेका छन्। उनले भने, "अब मुसलमानहरूले दुश्मनसँग सावधान रहनु पर्ने समय आएको छ," जसमा इजरायल र अमेरिकालाई लक्षित गरिएको थियो। उनले मुस्लिम विरोधी शक्तिहरू विनाशको शासनमा रमाइरहेका बताए।
सर्वोच्च नेताले इरानका मुसलमानहरूलाई आफ्नो जमिनको रक्षा गर्न र अफगानिस्तानदेखि लेबनानसम्मका मुस्लिम देशहरू एकजुट हुनुपर्नेमा जोड दिएका छन्। "यदि हामी एकजुट हुन सक्छौं भने, अल्लाह पनि प्रसन्न हुनेछ," उनले भने।
खामेनेईको सम्बोधनले धार्मिक कार्ड खेल्ने प्रयास गरेको छ, जहाँ उनले कुरानको उद्धरण गर्दै मुसलमानहरूलाई एकसाथ रहनको लागि आग्रह गरेका छन्। उनले विश्वका मुसलमानहरूलाई एकजुट हुनु आवश्यक रहेको जिकिर गर्दै इजरायलको आक्रमणको विरुद्ध उभिन आह्वान गरेका छन्।
यसैबीच, हिजबुल्लाह प्रमुख हसन नसरल्लाहको अन्त्येष्टि शुक्रबार गरिनेछ। अन्त्येष्टि पूर्व, तेहरानको ग्रान्ड मस्जिदमा नसरल्लाहका लागि जुमेको नमाज वाचन गरिनेछ, जहाँ खामेनेई पनि सहभागी हुनेछन्।
इजरायली सेनाले नागरिकलाई दक्षिण लेबनानका ३७ गाउँ खाली गर्न आदेश जारी गरेको छ। उत्तरतर्फ इजरायलको आक्रमण जारी रहेको छ, र इरानले मिसाइल हानेपछि इजरायलले लेबनानमा आक्रमणको गती बढाएको छ। इजरायलले हिजबुल्लाहका सदस्यलाई समाप्त पार्ने योजना बनाएको जनाएको छ।
यस घटनाले मध्यपूर्वमा नयाँ संघर्ष र तनावको सुरुवात गर्ने आशंका देखाएको छ।
यस बिषयमा तपाइको प्रतिक्रिया...!