उडानमा अनिवार्य गरिएको कोभिड प्रोटोकल हटाइयो

जेठ १६, काठमाडौँ | नेपालका लागि हुने अन्तर्राष्ट्रिय तथा आन्तरिक उडानमा अनिवार्य गरिएको मास्क, खोप कार्ड, पीसीआर जाँच लगायतका कोभिडसम्बन्धी प्रोटोकल हटाइएको छ । कोभिड–१९ को घट्दो प्रभाव तथा वैशाख अन्तिम साता विश्व स्वास्थ्य संगठनले विश्वव्यापी संकटकालको अन्त्यको घोषणासँगै नेपालले हवाई सेवामा अनिवार्य गरेको उक्त नियम हटाएको हो ।

नेपाल नागरिक उड्डयन प्राधिकरणका प्रवक्ता जगन्नाथ निरौलाका अनुसार, हवाई यातायातमा कोभिड–१९ को संक्रमण फैलिन नदिन नेपालले अनिवार्य गरेका पछिल्लो पटकका हेल्थ प्रोटोकल नागरिक उड्डयन प्राधिकरणले हटाएको हो ।