चैत १६, वामी गुल्मी ।  गल्मीमै मौरीको लागी प्रख्यात मानिने वामी मालारानीमा आज जिल्ला कृषि बिकास कार्यालय गुल्मीको आर्थिक सहयोगमा लक्ष्मीनारायण महिला कृषि सहकारी संस्थाले मौरी सहितको घार बितरण गरिएको छ । गुल्मी जिल्लामै मौरीको लागी पकेट क्षेत्र मानिने वामी ८ मालारानी तथा वामी ७ पुरानागाँउका सहकारी संस्थामा आबद्ध महिलाहरुको जिवनस्तरमा केही भए पनि सहयोग पुग्ने आशा राख्दै आज ६० घार मौरी बितरण गरिएको हो । संस्थाले त्यस क्षेत्रलाई मौरी बिकास क्षेत्रको घोषणा गर्दै बिगत २ बर्षदेखी मौरी सहितको घारहरु बितरण गर्दे आइरहेको छ । संस्थामा आबद्ध महिला सँगै मालारानी तथा पुरानागाँउका करिब ९० प्रतिशत घरहरुमा मौरीको घार बितरण भइसकेको र बाँकी घरमा पनि मौरीको घार बितरण गर्नको लागी गृहकार्य भइरहेको सहकारीकी सचिब यमुना घिमिरेले जानकारी दिनुभयो । मौरीको घार जिल्ला कृषि बिकास कार्यालयको ५० प्रतिशत अनुदान बितरण गर्ने गरिएको छ । यद्यपी आर्थिक अवस्था सुदृढ भएका महिलाहरुको लागी ५० प्रतिशत शुल्क बुझाँउन कुनै गाह्रो नभएपनि न्युन आर्थिक अबस्था भएका महिला तथा परिवारको लागी पनि कुनै श्रोत जुटाएर घार बितरण गरिने समेत सचिब घिमिरेले जानकारी दिनुभयो । आज भएको बितरण कार्यमा संस्थामा आबद्ध महिलाहरु बाहेक बाहिरी अन्य परिवारहरुलाई पनि मौरीको घार गरिएको छ । मौरीको घार बितरण कार्यक्रममा सहकारी संस्थाकी अध्यक्ष दिल कुमारी मल्लको सभापतित्व रहेको थियो भने नेकपा एमालेका समानुपातिक साँसद दिलशोभा पुनको प्रमुख आतिथ्यता रहेको थियो । कार्यक्रममा बोल्दै प्रमुख अतिथि पुनले यस्ता कार्यहरुले महिला लगायत अन्य स्थानीयहरुमा आर्थिक समस्या समाधान गर्नका लागी प्रभाबकारी भुमिका खेल्ने बताउनुभएको थियो । वाम्ी ८ मालारानीमा भएको यस्तो प्राकृतिक उपहारको सबैले सहि सदुपयोग गर्दै यस भेगमा मौरीको राम्रो भबिष्य भएको बताउनुभयो । साथै यस्तो उदाहरणीय कार्य गरेकोमा सांसद पुनले लक्ष्मीनारायण महिला सहकारी संस्थालाई धन्यबाद समेत दिनुभयो । कार्यक्रममा बिशेष अतिथि बाली संरक्षण अधिकृत सपना पन्थी, बागवानी अधिकृत पशुपति सिँह, रुद्राबति बहुमुखी क्याम्पसका अध्यक्ष महेश बहादुर जिसी, वामी कृषि सम्पर्क केन्द्रका बिरेन्द्र रावत, मौरी अगुवा कृषक चुमा घर्ती मगर लगायतले मन्तब्य ब्यक्त गर्नुभएको थियो । कार्यक्रममा स्थानीय राजनितिक दलहरुका प्रतिनिधि, समाजसेबी, बुद्धिजिवी, स्थानीय लगायतको उपस्थिती रहेको थियो । सहकारीकी सदस्य हरिमाया छन्त्यालको स्वागत रहेको कार्यक्रमको सञ्चालन संस्थाकी सचिब यमुना घिमिरेले गर्नुभएको थियो ।   - अनिश शर्मा गैरे बाट