टेक शाही/फागुन २, डोल्पा । डोल्पा जिल्लामा पहिलो पटक  जनता आवास कार्यक्रम सँचालन हुने भएको छ । 

जनता आवास कार्यक्रमका सँयोजक प्रमूख जिल्ला अधिकारि चेतराज बरालको सँयेजकत्वमा बसेको पहिलो बैठकले जिल्लामा जनता आवास कार्यक्रम सचलन गर्ने निर्णय गरि १२ वटा गाविसहरु पहिलो चारणमा छनौट गरेको प्रमूख जिल्ला अधिकारि चेतराज बरालले जानकारि दिनु भयो । 

प्रमूख जिल्ला अधिकारिको सँयोजकत्वमा बसेको सारोकारवालाहरुको बैठकले डोल्पा जिल्लाका २३ वटा गाबिस मध्य पहिलो चरणमा जुफाल, दुनै, पाहाडा, त्रिपूराकोट, कालिका, सर्मि,नर्कू, रिमी, रह, शहरतारा र लावन गरि जम्मा १२ वटा गाविसलाइ पहिलो चरणमा छनौट गरेको शहरि बिकास तथा भवन निर्माण बिभाग डिभिजन कार्यालय जुम्लाका प्रतिनिधि जगदिश लामिछाने जानकारि दिनु भयो । 

जनता आवास कार्यक्रमको जिल्ला समन्वय समितिको लक्षित बर्गको सदस्यको लागि जिल्ला भित्र रहेको दलित समन्वय समितिमा पत्रचार गर्ने र उक्त समितिले तोकि पठाएको ब्यक्तिलाइ बैठकमा समाबेश गर्ने निर्णय गरेको छ । जिल्लाका १२ वटा गाविसका दलित घरपरिवारले एक जनता आवासको लागि निबेद दिए पछि यो कार्य अगाढि बढने छ । गाविसमा जनता आवासको कार्यक्रममा अुनदान पाउनको लागि निबेदकले सबै कुरा प्रष्ट खुल्ने गरि आवास निमार्णको लागि अनुरोध गरि निबेदन पेश गर्नु पर्ने छ । 

एक साता भित्रमा छनौट भएका गाबिसका गाविस सचिवलाइ पत्रचार गरि हरेक गाविसमा निबेदन सँकलन गरिने छ । गाजिस सचिवले गाविसमा गरेको निबेदन सँकलन पछि जनता आवास कार्यक्रम अन्तरगत १२ वटा सुचकका आधारमा रहि जस्ले धेरै अँक ल्याउछ त्यो दलित घरले जनता आवासको कार्यक्रम पाउने भएको छ । 

जनता आवास कार्यक्रम अन्तरगत कार्यक्रम अनुसार छनौटमा परेका दलित घरले २ लाख ६७ हजार नगद अनुदान पाउनेछन । उक्त अनुदानबाट सम्बन्धीत घरधनिले दुइ कोठाको एक तले घर र एक भान्सा कोठा निमार्ण गर्नु पर्ने रहेको छ । उक्त घर बनाउनको लागि घरको डिजाइन र प्राबिधिक काम भने शहरि बिकास तथा भवन निर्माण बिभाग डिभिजन कार्यालय जुम्लाले गर्ने लामिछानले ताउनुभयो ।