अब नयाँ आइफोनबाट अन्य डिभाइस पनि चार्ज गर्न सकिने

Posted on: 19 Feb, 2019

फागुन ७, काठमाडौं । एप्पलले गत वर्ष ल्याएको स्क्रिन साइजमा नयाँ आइफोन ल्याउने तयारी गरेको छ । हालै एप्पलको बारेमा विश्लेषण गर्ने मिंग ची कुओले इन्भेष्टरहरुलाई पठाएको जानकारीअनुसार एप्पलले यो वर्ष नयाँ आइप्याड, नयाँ १६ इन्चको म्याकबुक प्रो, ३१ इन्चको ६के मनिटर र आइफोनहरु ल्याउने छ ।

कुओकाअनुसार सन् २०१९ मा पनि कम्पनीले ६.५ इन्च, ५.८ इन्च र ६.१ इन्चको आइफोनहरु ल्याउनेछ जसमा यूएसबी टाइप सीको साटो लाइटिंग कनेक्सन राखिनेछ ।

त्यसैगरि नयाँ आइफोनहरुमा इन्डोरमा प्रयोग गर्न र नेभिगेसनका लागि अल्ट्रा वाइड ब्याण्ड कनेक्टिभिटी प्रयोगका लागि आवश्यक प्रविधि राखिएको हुनेछ । यी आइफोनहरुमा अन्य डिभाइसहरु पनि आइफोनबाटै चार्ज गर्न सकिने गरि बाइल्याटर वायरलेस चार्जिंगको सुविधा, अपग्रेड फेसआईडी फेसआइडी, ठूलो ब्याट्रीहरु, र ट्रिपल क्यामरा डिजाइनलगायतका फीचरहरु हुन्छन् ।

आइप्याडतर्फ भने कुओकाअनुसार एप्पलले दुई किसिमका नयाँ आइप्याड प्रोहरु ल्याउने छ । जसमा हालको ९.७ इन्चको आइप्याडहरुको स्क्रिन बढाउँदै १०.२ इन्चको हुनेछ । त्यस्तै नयाँ आइप्याड मिनी पनि नयाँ आइप्याडको रुपमा रहेको छ ।

कुओले जारी गरेको इन्भेष्टर नोटमा म्याक लाइनअपको बारेमा पनि उलेख छ, जसमा उनले नयाँ म्याकबुक प्रो ल्याउनेछ जसमा १६ इन्च र १६.५ इन्चको पुरै नयाँ डिजाइनमा ल्याउनेछ । कुओकाअनुसार एप्पल फेरी ३१.६ इन्चको सिक्स के थ्री के मनिटरसहित डिस्प्ले बजारमा आउनेछ । र यी डिस्प्लेहरु मिनी एलईडी जस्तै ब्याकलाइट डिजाइनमा आउनेछ ।

नयाँ आउने म्याकबुक प्रोमा र्याम क्षमता पनि बढ्नेछ । १३ इन्चको म्याकबुक प्रोमा संभवत ३२ जीबी र्याम अप्सन पनि हुनसक्नेछ, हाल यसमा १६ जीबी र्याम र १५ इन्चको म्याकबुक प्रोमा ३२ जीबी सपोर्ट रहेको छ ।

एप्पलले यो वर्ष ल्याउने एप्पल वाचको इसिजी फंगसनलाई थप देशहरुमा पनि बिस्तार गर्नेछ भने नयाँ सेरामिक केसिंग डिजाइन पनि हुनेछ ।

यसका साथमा एप्पलले एयरपोड्स २ मा वायरलेस चार्जिंग सर्पोट हुनेछ भने ब्लूटूथ कनेक्टिभिटी राखिनेछ । एजेन्सी

यस बिषयमा तपाइको प्रतिक्रिया...!