रेडियो

  जिल्ला छान्नुहोस्


काठमाडौँ - KTM

जिल्ला जानकारी

काठमाडौँ - KTM / अर्थ/विकास

किन अकासियो सुनको भाउ?

Posted on: 29 Mar, 2024

चैत १६, काठमाडौँ । बिहीबार र शुक्रबार लगातार बढेको सुनको मूल्यले नयाँ रेकर्ड राखेको छ ।

साताको तेस्रो दिन सामान्य घटेको मूल्य त्यसपछिका दिनमा क्रमशः बढेर शुक्रबार हालसम्मकै उच्च अर्थात् तोलाको १ लाख ३० हजार रुपैयाँ पुगेको छ । प्रति १० ग्राम सुनको मूल्य १ लाख ११ हजार ४५५ पुगेको छ ।

साताको पहिलो दिन आइतबार सार्वजनिक बिदा थियो, दोस्रो दिन सोमबार प्रति १० ग्रामको १ लाख ८ हजार ६ सय २५ रुपैयाँ (प्रतितोला १ लाख २६ हजार ७ सय) मा कारोबार भएको थियो ।

नेपाल सुनचाँदी व्यवसायी महासंघका महासचिव धर्मसुन्दर बज्राचार्यका अनुसार अमेरिकी डलरको मूल्यमा देखिएको मजबुतिसँगै त्यसको प्रभाव सुनको मूल्यमा देखिएको हो ।

अन्तर्राष्ट्रिय कमोडिटी मार्केटमा हुने माग र आपूर्तिले यसको मूल्य तय गरिरहेको हुन्छ । खासगरी विश्वका ठूला लगानीकर्ताले गर्ने लगानीका आधारमा सुनको मूल्य समेत प्रभावित बन्ने गर्छ ।

यो साता चाँदीको मूल्यसमेत बढेको छ । साताको दोस्रो दिन सोमबार प्रतितोला १ हजार ५ सय १५ रुपैयाँ रहेको चाँदीको मूल्य शुक्रबार १ हजार ५ सय २५ रुपैयाँ प्रतितोलामा कारोबार भइरहेको छ ।

चाँदीको मूल्य बुधबार तोलाको १ हजार ४ सय ९० सम्म झरेको थियो । त्यसपछि भने लगातार वृद्धि भएको देखिएको छ ।

सुनको मूल्य बढ्दा नेपालबाट बाहिरिने विदेशी मुद्रा बढ्छ । विदेशी मुद्रा सञ्चितिका दृष्टिकोणबाट सुनको मूल्य बढ्नु आयातमा आधारित मुलुकका लागि सकारात्मक मानिँदैन ।


यस बिषयमा तपाइको प्रतिक्रिया...!

सम्बन्धित सामग्री:

आज शुक्रबार बढ्यो सुनचाँदीको मुल्य , तोलाको कति?

आज घट्यो सुनचाँदीको मुल्य, तोलाको कति पुग्यो ?

सुनचाँदीको मुल्य बढ्यो, आज कतिमा हुँदैछ कारोबार?