बंगलादेशका प्रधानन्यायाधीश हसनले दिए राजीनामा

साउन २६, काठमाडौँ | प्रदर्शनकारीले अदालत घेराउ गरी पदबाट हट्न माग गरेसँगै बंगलादेशका प्रधानन्यायाधीश ओबेदुल हसनले राजीनामा दिएका छन् । उनले अन्तरिम सरकारका कानुनमन्त्री प्राध्यापक आसिफ नजरुललाई राजीनामा पत्र बुझाएका हुन् ।

शनिबार बिहान प्रदर्शनकारीको एक समूहले बंगलादेशको सर्वोच्च अदालतबाहिर प्रधानन्यायाधीश र ७ जना न्यायाधीशको राजीनामा माग गर्दै प्रदर्शन गरेका थिए । 

विभेद विरोधी प्रदर्शनकारीले सर्वोच्च अदालत घेराउ गरी पदबाट हट्न माग गरेसँगै प्रधानन्यायाधीश हसनले राजीनामाको घोषणा गरेका हुन् । उनीमाथि पूर्वप्रधानमन्त्री शेख हसिनाको पक्षमा काम गरिरहेको आरोप छ ।