मङ्सिर २६, न्यूयोर्क | नेपाली लोकदोहोरी क्षेत्रमा स्टेज तताउन माहिर मानिएकी गायीका संगिता थापाले यतिबेला देश भक्तीको गित लिएर बजारमा आएकी छन् । बिगत केहि बर्षदेखि अमेरिकामा बस्दै आएकी थापाले म त नेपाली मेरो देश नेपाल भन्ने बोलको राष्ट्रिय गित लिएर बजारमा आएकी हुन् । 

यतिबेला नेपालीहरुमा राष्ट्रियताको मोह भन्दा पनि ब्यक्तीबादी मोह हाबी हुन लागेको देखेर अमेरिकाबाट आफु राष्ट्रिय गित लिएर आएको बताएकी छन् । हाल कोरियामा बस्दै आएका सिपी मगर र अमेरिकामा रहेकी गायिका थापाले बिदेशमा बस्दा देखेका र बिदेशमा बस्नेहरुले देशलाई गरेको मायालाई गितमा समेटेका छन् ।

 मर्गस क्रियसनले निर्माण गरेको भिडियोमा राष्ट्रियता झल्काउदै गायिका थापा आफैले अभिनय पनि गरेकी छन् । दर्शकहरुको माया पाएमा आगामी दिनमा लोक गितका साथै राष्ट्रिय गितहरुलाई पनि निरन्तरता दिने थापाले जनाएकी छन् । थापाले यस अघी नै दुई दर्जन भन्दा धेरै गितहरुमा स्वर दिएकी छन् ।