जेठ ११, सुर्खेत | कर्णाली प्रिमियर लिग प्रतियोगितामा त्रिभुवन आर्मी क्लव र रुपन्देही ११ फाइनलमा प्रवेश गरेका छन्। शुक्रबार भएको सेमिफाइनलमा आर्मी क्लव र रुपन्देही विजयी भएपछि फाइनलमा यि दुई टिमको प्रतिस्पर्धा हुनेछ । समुह ‘ए’ को बिजेतारुपन्देही ११ ले उपविजेता मध्यपश्चिम क्रिकेट क्लव तथा त्रिभुवन आर्मी क्लवले समुह ‘बि’ को बिजेताधनगढी क्रिकेट एकेडेमीलाई हराए पछि दुई टिम फाइलनमा प्रवेश गरेका हुन् ।

वीरेन्द्रनगर रंगशालामा यी दुवै टिमबीच शनिबार (आज) बिहान ९:३० बजे फाइनल खेल हुनेछ । शुक्रबार भएको पहिलो सेमीफाइनलमा रुपन्देही ११ ले मध्य–पश्चिम क्रिकेट क्लबलाई २६ रनले पराजित पराजित ग¥यो । टस हारेर पहिले ब्याटिङ गरेको रुपन्देहीले निर्धारित २० ओभरमा ७ विकेट गुमाएर १७२ रनको योगफल तयार गर्यो । रुपन्देहीको लागि  सन्दिप सुनारले सर्वाधिक ५० रन बनाउन ३० बलमा ७ चौका र २ छक्का प्रहार गरे। यस्तै बशिर अहमदले ४६ रन बनाउन विस्फोटक ब्याटिङ गर्दै मात्र १४ बलमा ५ छक्का र प्रहार गरे। शंकर रानाले ३५ रन तथा निश्चल चौधरीले २२ रन  बनाए।

१७३ रनको लक्ष्य पछ्याउने क्रममा मध्यपश्चिमले १९.५ ओभरमा १४६ रन मात्रै बनाउन सक्यो। कप्तान शुबेन्दु पाण्डेले सर्वाधिक ४६ रन, प्रनित थापाले २० रन तथा सिद्धान्त शाहीले १९ रन बनाए पनि जितको लागि पर्याप्त हुन सकेन। रुपन्देहीको लागि सन्दिप सुनार र बिकाश श्रेष्ठले समान ३/३ विकेट तथा बिक्रक भुसालले २ विकेट लिए । खेलको प्लेयर अफ द म्याच सन्दिप सुनार घोषित भए।

शुक्रबारको दोस्रो सेमीफाइनल खेलमा त्रिभुवन आर्मी क्लवले धनगढी क्रिकेट एकेडेमीलाई ८ विकेटले पराजित गरेको छ । टस जितेर ब्याटिङ गर्दै धनगढी क्रिकेट एकेडेमीले निर्धारित २० ओभरमा ८ विकेट गुमाएर १३१ रनको योगफल खडा ग¥यो । उसको लागि कप्तान भुवन कार्कीले अविजित ४४ रन बनाउन ३२ बलमा ४ चौका र ३ छक्का प्रहार गरे । 

यस्तै सञ्जु दमाईले २३ रन, दिपेन्द्र थापाले २१ तथा रोमन बमले १६ रन योगदान दिए। त्रिभुवन आर्मी क्लवका चन्द्र साउँद र सागर पुनले समान २÷२ विकेट लिए। १३२ रनको लक्ष्य त्रिभुवन आर्मीले १६.५ ओभरमा २ विकेट गुमाएर पुरा ग¥यो । उसको लागि खेलको प्लेयर अफ द म्याच समेत चुनिएका नरेश बुढाऐरले अविजित ६३ रन बनाउन ३८ बलमा ६ चौका र ४ छक्का प्रहार गरे। राजु रिजालले २८ रन बनाए भने  सागर पुनले १४ रन तथा अनिल मण्डलले १३ रन बनाए।