गणेश सिर्पाली | श्रावण–२७, रुकुम | रुकुममा विभिन्न कार्यक्रमका साथ भोली २७ गतेदेखी २९ गतेसम्म अन्र्तराष्ट्रिय युवा दिवस मनाइने भएको छ । 

विरामीहरुलाई फलफुल वितरण, विद्यालयमा वक्तृत्वकला, रक्तदान कार्यक्रम, युवा वहस, र्याली, कोणसभा, युवा स्तम्भ शिलान्यास लगायतका कार्यक्रम गरी दिवस मनाउन थालिएको हो । 

जिल्ला विकास समिति र संयुक्त राष्ट्रसंघिय जनसंख्या कोष यूएनएफपीएको सहयोग र जिल्ला युवा समन्वय समितिको आयोजनामा मनाइने कार्यक्रममा सहभागिताको लागी आयोजकले जिल्ला स्थित सरोकारवाला निकाय, पत्रकार, युवा संजाल, युवा क्लवमा आवद्ध युवाहरु, विद्यार्थीहरु लगायतलाई अनुरोध गरेको छ । 

दिवसका अवसरमा आयोजित कार्यक्रम अनुसार भोली २७ गते विहान जिल्ला अस्पताल सल्ले रुकुममा भर्ना भएका विरामीहरुलाई फलफुल वितरण, बाल कल्याण मावि सोलावाङ, महाकाली मावि सिस्नेखोला समिबोट, पशुपति मावि रातामाटा र त्रिपुरा उच्च मावि छिङमा विद्यालय स्तरिय वक्तृत्वकला प्रतियोगिता संचालन गरिनेछ । 

वक्तृत्वकला प्रतियोगिताको शिर्षक “गरिवी निवारणमा युवाको भुमिका” रहेको आयोजकले जानकारी दिएको छ । त्यसैगरी २८ गते विहान ७ वजे ¥याली, कोणसभा, पुरस्कार वितरण र मुसिकोट १ मठ स्थित युवा स्तम्भको शिलान्यास गर्ने कार्यक्रम रहेको जिल्ला युवा समन्वय समितिका संयोजक वीरवहादुर मल्लले जानकारी दिनुभयो । 

दिवसै दिन काठमाण्डौं, नेपालगंज र दाङ लगायत ब्लड वैंकको पहुंचको नजिकमा रहेका रुकुम जिल्लाका युवाहरु रक्तदान गर्ने कार्यक्रम पनि राखिएको संयोजक मल्लले वताउनुभयो । आयोजकले रक्तदान कार्यक्रममा सहभागि हुन काठमाण्डौं, नेपालगंज र दाङमा वस्दै आएका रुकुमेली युवाहरुलाई अनुरोध समेत गरेको छ । 

दिवसको अन्तिम दिन २९ गते जिल्लामा युवा वहस संचालन गरिनेछ । मुसिकोट खलंगामा हुने सरोकारवाला निकाय र युवाहरु विचको वहसलाई स्थानीय रेडियोहरुबाट समेत प्रशारणको व्यवस्था मिलाइने भएकाले युवा वहसमा सहभागि भई महत्वपूर्ण छलफलमा सहभागि हुन सवैमा अनुरोध गरिएको छ । 

गरिवी उन्मुलनमा युवा प्रतिवद्धता–उपभोगमा आत्मनिर्भरता भन्ने राष्ट्रिय नाराका साथ नेपालभर यो दिवस मनाइदै छ ।