अराज सिहं बेल्बासे । भदौ २४, कपिलवस्तु | नेपाल सरकार शिक्षा मन्त्रालयको गत वर्षदेखि लागु गरेको तत्काल सुधारको कार्ययोजना २०७३/७४ अनुसार कपिलवस्तुको श्री नेपाल आदर्श मा.वि शिवराज पाँच नम्वर प्रदेशकै नमुना सामुदायिक मावि बन्न सफल भएकोछ । शिक्षा नियमावली र निर्देशीकाले तोकेका मापदण्ड अनुसारको विद्यालयको आफ्नै प्रयाप्त जग्गा र भवन, उच्च बिद्यार्थी संख्या, प्राविधिक विषयको पढाई ,सुरक्षा र वजार पहुचले सुगम, शिक्षक दरवन्दीको प्रयाप्तता आदीका आधारमा गरिएको मुल्यांकनमा आदर्श मावि शिवराज प्रथम भएको हो ।

प्रतिस्प्रधाका लागि आवेदन दिएका पाँचवटा मावि मध्ये नेपाल आदर्श मावि शिवराज प्रथम हुदै ५ नम्वर प्रदेशकै एकमात्र नमुनाको रुपमा छनौट भएको सहायक जिल्ला शिक्षा अधिकारी सूर्य भुसालले वताए । शिक्षा मन्त्रालयले तोकेको मापदण्ड अनुसार कपिलवस्तुका ५ वटा सहित अन्य जिल्लाका दर्जनौ माविलाई पछिपार्दै यो मावि नमुना वनेको हो ।

कपिलवस्तुवाट नमुना मा.वि.का लागि आवेदन दिने विद्यालयहरुमा जनता मा.वि. वाणगंगा पिपरा, गौतम बुद्ध मावि जयनगर, छत्रपाली तीर्थादेवि मावि पकडी, बुद्ध पदम मावि तौलिहवा रहेका थिए । यी चारवटा माविहरु सफल हुन सकेनन । नेपाल आदर्श मावि शिवराज जिल्लामा मत्रै प्रथम भएन ।सिंगो प्रदेशमा सफल भएर जिल्लाको शान वढाएकोछ जिसिअ हरिराज गौतमले स्पष्ट पार्नु भयो । यता सो माविका प्रधानाध्यापक मुक्तिराम पोख्र्रेलले प्राप्त सफलताले गौरवान्वित महशुस भएको बताउनु भयो । तत्काल सुधार कार्ययोजनाको कार्यान्वयन सम्बन्धमा शिक्षा मन्त्रालयको शैक्षिक नक्साङ्कन शाखाले हालसम्म गरेको प्रगति अध्ययन तथा विष्लेषण गरेर नतिजा सार्वजनिक गरेको हो ।

५ नम्वर प्रदेश स्तरमा नमुना सामुदायिक आवासीय माविको रुपमा विकासीत हुने अवसर प्राप्त गर्ने गरि कपिलवस्तुको नेपाल आदर्श मावि शिवपुर परेको हो । यसले आवासिय विद्यायल भवन निर्माणका लागि रकम पाउनेछ । सुविधा युक्त पुस्तकालय, खेलकुद तथा मनोरञ्जन पार्क, सबै भाषामा पढाउन पाउने गरि दरवन्दी थप, आधुनिक प्रविधीयुक्त पठन पाठन पद्धतीमा सहयोग मन्त्रालयले पुर्याउनेछ ।