कांग्रेसलाई जिताउनुस् ६५ वर्षमै वृद्धभत्ता र रोग लागेकालाई ५ हजार भत्ता दिन्छौं : देउवा

Posted on: 04 May, 2022

वैशाख २१, विराटनगर | मोरङको विराटनगरमा आज आयोजित चुनावी सभालाई सम्बोधन गर्दै प्रधानमन्त्री शेरबहादुर देउवाले निर्वाचनपछि कांग्रेसको नेतृत्वमा सरकार बने जेष्ठ नागरिकलाई ६५ वर्षमै भत्ता दिने आश्वासन दिएका छन् । कांग्रेसका सभापतिसमेत रहेका देउवाले गम्भीर प्रकृतिको रोग लागेकालाई पाँच हजार निर्वाह भत्ता दिने बताए ।

उनले यसको व्यवस्था आफूले पहिले पनि गरेको तर एमाले अध्यक्ष केपी ओली नेतृत्वको सरकारले त्यसलाई अस्वीकार गरेको आरोप लगाए ।

‘६५ वर्षमै वृद्धभत्ता दिने निर्णय मैले गरेको छु । असाध्य रोग लागेकालाई ५ हजार निर्वाह भत्ता पनि दिएका छौँ । विकास निर्माणको काम गर्न भएपनि सबैखाले चुनावमा गबन्धनलाई जिताउनुस्’, उनले भने ।

अहिले ७० वर्षमा मात्रै वृद्धभत्ता दिने प्रावधान छ ।सो अवसरमा सभापति देउवाले गठबन्धन अहिलेको आवश्यकता रहेको बताउँदै यसप्रति कुनै शंका–उपशंका नगर्न आग्रह गरे ।

यस बिषयमा तपाइको प्रतिक्रिया...!