बैदेशिक रोजगार सम्बन्धि नयाँ नियम अनुसार बैदेशिक रोजगारीको क्रममा कसैले ठगि गरेमा, चर्को रकम अशुली गरेमा वा कानुन विपरित बैदेशिक रोजगारीमा पठाए वा पठाउन आटेको थाहा पाएमा उजुरी दिन सकिन्छ । त्यस्तो उजुरी आफै सम्बन्धित निकायमा पुगेर वा हुलाक वा बिद्धुतिय माध्यमबाट दिन सकिन्छ । त्यसरी प्राप्त भएको उजुरी विभाग वा कार्यालयले दर्ता गरि कारवाही गर्नुपर्छ ।
त्यस्तो उजुरी कहाँ-कहाँबाट दिन सकिन्छ ?
१. बैदेशिक रोजगार बिभाग
२. सातै प्रदेशका श्रम कार्यालय
३. सम्बन्धित जिल्लास्थित प्रमुख जिल्ला अधिकारी समक्ष
जिल्लाबाटै कसरी हुन्छ कारवाही ?
बिभागमा उजुरी गर्न सकिने मुद्धाहरु सम्बन्धित जिल्लास्थित प्रमुख जिल्ला अधिकारी समक्ष समेत उजुरी दिन सकिन्छ ।
त्यसरी प्रमुख जिल्ला अधिकारी समक्ष परेको उजुरी इजाजत प्राप्त संस्था उपर परेकोमा सात दिनभित्र सो उजुरी विभागमा पठाउनु पर्ने हुन्छ ।
वा प्रमुख जिल्ला अधिकारीले परेको उजुरी सम्बन्धमा जांचबुझ गरि कामदार वा निजको प्रतिनिधिलाई क्षतिपूर्ति भराई दिनु पर्ने देखिएमा दुवै पक्षबीच छलफल गराई क्षतिपूर्ति भराईदिने गरि मेलमिलाप गराउन सक्नेछ ।
यदी मेलमिलाप गराउन नसकेको अवस्थामा वा उजुरीको प्रकृति बाटै मेलमिलाप गराउन मिल्ने नदेखिएमा प्रमुख जिल्ला अधिकारीले सक्कलै उजुरी आवश्यक कारवाहीको लागि बिभाग पठाउनु पर्नेछ ।
यस बिषयमा तपाइको प्रतिक्रिया...!