कात्तिक २५, नवलपरासी | नवलपरासीको कावासोतीमा टेलिभिजन रियालिटी शो ‘नेपहपको श्रीपेच’का प्रतिस्पर्धी र्यापर हप्याक (मिलनजंग कुँवर)लाई झारफुक गर्ने भन्दै झाँक्रीले मुखमा अगुल्टो झोसेपछि हप्याक घाइते भएका छन् । उक्त घटनाको भिडियो सार्वजनिक भएपछि अहिले पीडित र्यापरलाई न्याय दिनुपर्ने चौतर्फी माग उठेको छ । उक्त घटनापछि र्यापर हप्याक बोल्ने अवस्थामा छैनन् । उनको मुख डढेको छ ।
नेपहपको श्रीपेच रियालिटी शोले शुक्रबार सामाजिक सञ्जालबाट सार्वजनिक गरेको उक्त घटनाको भिडियोमा र्यापर हप्याकमाथि आगो झोस्नेदेखि कुटपिट गरिएको देख्न सकिन्छ ।
नेपहपको श्रीपेच रियालिटी शोले यातना दिने झाँक्री र अन्यलाई पक्राउ गर्नुपर्ने, पीडित र्यापरलाई उपचार गर्नुपर्ने माग गरेको छ । सामाजिक सञ्जालमा समेत पीडितलाई न्याय दिनुपर्ने माग उठिरहेको छ । साथै, दोषीलाई कारवाही गर्नुपर्ने माग हिपहप संगीत क्षेत्रले गरेको छ ।
नेपहपको श्रीपेचमा र्यापर हप्याक आफ्नो गायन शैलीबाट चर्चित थिए ।
यस बिषयमा तपाइको प्रतिक्रिया...!