त्यो समयमा प्रयोग गरिने कपडा पुराना तथा फोहोर हुन्थे । प्रयोग गरिसकेका कपडाहरु गोठको कुनामा , घरको कर्सामा अब्यबस्थित रुपमा थन्काउने काम गरिन्थ्यो । यो विशेष अबस्थामा अध्यारोमा फोहोर ठाउँमा बस्नुपर्ने बाध्यता थियो । सेनेटरी प्याड को रुपमा पुराना फोहोर कपडाहरु प्रयोग गरिन्थ्यो । त्यो बेलामा फोहोर पानी , कूलोको पानीले सफा गर्ने गरिन्थ्यो । लगाएका लुगाहरु विस्तारा समेत अरुले नदेख्ने गरी धुने तथा बारीको छेउतिर सुकाउने गरिन्थ्यो । छात्राहरु महिनावारी भएको बेलामा बिधालय , कलेज समेत जादैनन् । यो बेला विशेष गरी महिलाहरु गह्रौ कठिन काम गर्नुपर्ने अबस्था थियो । यहि बेलामा कठिन काम गर्ने तर आबश्यक सन्तुलित खानेकुरा खान नहुने एबं खानै नपाउने खानमा बन्देज लगाृउने समेत गरिन्थ्यो । त्यो बेला गोठमा , अलग्गै कुनामा सुत्नुपर्ने हुन्थ्यो ।

यति बेला सरसफाई मा विशेष ध्यान पो दिनु पर्दछ । छुदैमा घरमा बस्दैमा पहिरो जाने भत्किने हुदैन । आयु छोटो हुने पनि होईन – कुशुम क्षेत्री थप्छिन् । यो समय गह्रौ भारी बोक्ने , लामो समय कठिन काम गर्ने तथा विशेष अबस्थाहरुमा साबधानी अप्नाउनु पर्दछ – रानीपानी ४ की शान्ता शर्मा ले बताईन् । यो बेला दूध खान नहुने , फलफूल खान नहुने भन्ने हुदैन झन् यो समयमा त सन्तुलित आहारा पो खानु पर्छ । यहि बेला शरीरलाई बढी पौष्टिक तत्व भएको खाना पो चाहिन्छ – रानीपानी १ की लक्ष्मी न्यौपानेले दर्शाइन । त्यसो त छलफलमै रानीपानी वार्डबाट निर्वाचित वार्ड सदस्य विष्णु पौडेल भन्छिन् यो बेला कडा काम नगरी आराम गर्नुृपर्छ । किनकी यो बेला महिलाको शरीर कोमल हुने हुँदा कान्छो सुत्केरोको रुपमा विशेष सुरक्षा गर्नुपर्दछ ।